ಡೆಟ್ರಾಯಿಟ್ ಮೃಗಾಲಯದಲ್ಲಿ 96 ವರ್ಷಗಳ ಬಳಿಕ ಗೊರಿಲ್ಲಾ ಜನನ

ರಾಯಲ್‌ ಓಕ್‌: ಡೆಟ್ರಾಯಿಟ್ ನಗರದ ಮೃಗಾಲಯದಲ್ಲಿ 96 ವರ್ಷಗಳ ನಂತರ ಗೊರಿಲ್ಲಾವೊಂದು ಮರಿಗೆ ಜನ್ಮ ನೀಡಿದೆ.

‘ಬಂಡಿಯಾ’  ಚೊಚ್ಚಲ ಗರ್ಭ ಧರಿಸಿತ್ತು. ಮರಿಗೆ ಇನ್ನೂ ಹೆಸರಿಟ್ಟಿಲ್ಲ. ಈ ಮರಿಯೂ ಸೇರಿ ಮೃಗಾಲಯದಲ್ಲಿ ಒಟ್ಟು ಐದು ಗೊರಿಲ್ಲಾಗಳಿವೆ’ ಎಂದು ಅಧಿಕಾರಿಯೊಬ್ಬರು ತಿಳಿಸಿದರು.

‘ಸಾರ್ವಜನಿಕರು ಈಗಲೇ ಗೊರಿಲ್ಲಾಗಳನ್ನು ನೋಡಲು ಸಾಧ್ಯವಿಲ್ಲ. ತಾಯಿ ಮತ್ತು ಮರಿ  ಒಂದಷ್ಟು ಸಮಯ ಒಟ್ಟಿಗೆ ಕಳೆದು ಅವುಗಳ ವಾಸಸ್ಥಾನಕ್ಕೆ ಹೊಂದಿಕೊಂಡ ನಂತರ ನೋಡಲು ಅವಕಾಶ ನೀಡಲಾಗುತ್ತದೆ’ ಎಂದು ಹೇಳಿದರು.