ಬಾಗ್ದಾದ್‌: ಅಮೆರಿಕದ ರಾಯಭಾರ ಕಚೇರಿಯ ವಲಯದಲ್ಲಿ ಕ್ಷಿಪಣಿ ದಾಳಿ
ಬಾಗ್ದಾದ್‌: ಬಾಗ್ದಾದ್‌ನಲ್ಲಿ ಅಮೆರಿಕ ರಾಯಭಾರ ಕಚೇರಿ ಇರುವ ಹಸಿರು ವಲಯದಲ್ಲಿ ಕ್ಷಿಪಣಿ (ರಾಕೆಟ್‌) ದಾಳಿ ನಡೆದಿದೆ. ಈ ಕ್ಷಿಪಣಿ ಮನೆಯೊಂದಕ್ಕೆ ಬಡಿದು, ಮಗು ಗಾಯಗೊಂಡಿದೆ ಎಂದು ಇರಾಕ್‌ನ ಸೇನೆ ಭಾನುವಾರ ತಿಳಿಸಿದೆ.
ರಾಯಭಾರ ಕಚೇರಿಯಲ್ಲಿ ಈಚೆಗೆ ಅಳವಡಿಸಲಾದ ಸಿ–ರ್‍ಯಾಮ್‌ ವಾಯುರಕ್ಷಣಾ ವ್ಯವಸ್ಥೆಯು ಈ ದಾಳಿಯನ್ನು ತಡೆದಿರಬಹುದು. ಇತ್ತೀಚಿನ ಕ್ಷಿಪಣಿ ದಾಳಿಗಳು ಅಮೆರಿಕ ರಾಯಭಾರ ಕಚೇರಿಗೆ ಹತ್ತಿರವಾಗಿದ್ದು, ಅಮೆರಿಕ ಸೈನಿಕರನ್ನು ಗುರಿಯಾಗಿಸಲಾಗಿದೆ ಎಂದು ಹೆಸರು ಹೇಳಲು ಇಚ್ಛಿಸದ ಅಧಿಕಾರಿಗಳು ತಿಳಿಸಿದ್ದಾರೆ.
ಅಲಿ ಆಲ್‌ ಸಲೇಹ್‌ ಪ್ರದೇಶದಿಂದ ಈ ಕ್ಷಿಪಣಿಯನ್ನು ಉಡಾವಣೆ ಮಾಡಲಾಗಿದ್ದು, ಸ್ಥಳೀಯ ಸುದ್ದಿವಾಹಿನಿಯ ಕಚೇರಿ ಪಕ್ಕದಲ್ಲಿದ್ದ ಮನೆಗೆ ಬಡಿದಿದೆ. ಇದರಿಂದಾಗಿ ಮನೆಗೆ ಹಾನಿಯಾಗಿದ್ದು, ಮನೆಯಲ್ಲಿದ್ದಮಗುವಿಗೆ ಪೆಟ್ಟಾಗಿದೆ.
ಅಮೆರಿಕ ಸೇನೆಯ ತರಬೇತಿ ನೆಲೆಯಾದ ಉತ್ತರ ಬಾಗ್ದಾದ್‌ನ ಉಮ್‌ ಅಲ್‌ ಅಜಂ ಪ್ರದೇಶದ ಮೇಲೆಯೂ ಸಂಭವಿಸಲಿದ್ದಕ್ಷಿಪಣಿ ದಾಳಿಯನ್ನು ತಡೆಯಲಾಗಿದೆ ಎಂದು ಇರಾನಿನ ಭದ್ರತಾ ಪಡೆಗಳು ಹೇಳಿಕೊಂಡಿವೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.