ಭೂತಾನ್ ಚುನಾವಣೆ: 30 ಸ್ಥಾನ ಗೆದ್ದ ಪಿಡಿಪಿ ಸರ್ಕಾರ ರಚನೆಗೆ ಸಿದ್ಧ

ಥಿಂಫು: ಭೂತಾನ್‌ನ ಸಂಸತ್ತಿಗೆ ಮಂಗಳವಾರ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ 30 ಸ್ಥಾನಗಳನ್ನು ಪೀಪಲ್ಸ್‌ ಡೆಮಾಕ್ರಟಿಕ್‌ ಪಾರ್ಟಿ (ಪಿಡಿಪಿ) ಗೆದ್ದುಗೊಂಡಿದ್ದು, ಸರ್ಕಾರ ರಚನೆಗೆ ಸಿದ್ಧವಾಗಿದೆ.

ಭೂತಾನ್‌ ಪ್ರಸಾರ ಸೇವೆಯ ಮಾಹಿತಿಗಳ ಪ್ರಕಾರ, ಸಂಸತ್ತಿನ ಒಟ್ಟು ಸದಸ್ಯ ಬಲ 47 ಸ್ಥಾನಗಳು. ಪಿಡಿಪಿ 30 ಸ್ಥಾನ ಗೆದ್ದುಕೊಂಡರೆ, ಕಣದಲ್ಲಿದ್ದ ಮತ್ತೊಂದು ಪಕ್ಷ ಭೂತಾನ್ ಟೆಂಡ್ರೆಲ್‌ ಪಾರ್ಟಿ 17 ಸ್ಥಾನ ಗೆದ್ದುಕೊಂಡಿತು. 

ನೂತನ ಸರ್ಕಾರವು ದೇಶವು ಎದುರಿಸುತ್ತಿರುವ ಆರ್ಥಿಕ ಬಿಕ್ಕಟ್ಟಿಗೆ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ತಮ್ಮ ಭರವಸೆಗಳನ್ನು ಈಡೇರಿಸಲಿದ್ದಾರೆ ಎಂಬ ವಿಶ್ವಾಸವನ್ನು ಜನತೆ ಹೊಂದಿದ್ದಾರೆ. 

ಇದು, ದೇಶದಲ್ಲಿ ನಡೆದ ನಾಲ್ಕನೇ ಸಾರ್ವತ್ರಿಕ ಚುನಾವಣೆಯಾಗಿದೆ. ಚುನಾವಣೆಯ ಅಂತಿಮ ಫಲಿತಾಂಶವನ್ನು ಭೂತಾನ್‌ ಚುನಾವಣಾ ಆಯೋಗವು ಬುಧವಾರ ಪ್ರಕಟಿಸಲಿದೆ.