ಸರ್‌ ನಿಮ್ಮ ಗಲ್ಲದ ಮೇಲೆ ಏನೋ ಇದೆ: ಬೈಡನ್‌ಗೆ ಬಂದ ಚೀಟಿ ಸೆರೆಹಿಡಿದ ಛಾಯಾಗ್ರಾಹಕ
Published 31 ಜುಲೈ 2021, 16:07 IST
ತಮಗೆ ಕೊಡಲಾದ ಚೀಟಿಯನ್ನು ಓದುತ್ತಿರುವ ಜೋ ಬೈಡನ್‌ (ಚಿತ್ರ ಎಎಫ್‌ಪಿ)
ವಾಷಿಂಗ್ಟನ್‌: ‘ಸರ್‌, ನಿಮ್ಮ ಗಲ್ಲದ ಮೇಲೆ ಏನೋ ಇದೆ,’
ಇದು, ಶುಕ್ರವಾರ ವರ್ಚುವಲ್‌ ಸಭೆಯೊಂದರಲ್ಲಿ ಭಾಗವಹಿಸಿದ್ದ ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಅವರಿಗೆ ಸಹಾಯಕರೊಬ್ಬರು ಕಳುಹಿಸಿದ ಚೀಟಿಯಲ್ಲಿದ್ದ ಸಂದೇಶ.
ಸುದ್ದಿ ಸಂಸ್ಥೆ ‘ಅಸೋಸಿಯೇಟೆಡ್‌ ಪ್ರೆಸ್‌’ನ ಫೋಟೊ ಜರ್ನಲಿಸ್ಟ್‌ ಚೀಟಿಯಲ್ಲಿದ್ದ ಮಾಹಿತಿಯನ್ನು ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದು, ಚಿತ್ರ ಜಗತ್ತಿನಾದ್ಯಂತ ವೈರಲ್‌ ಆಗಿದೆ.
ಚೀಟಿಯನ್ನು ತೆಗೆದುಕೊಳ್ಳುವಾಗ ಅದನ್ನು ಬೈಡನ್‌ ಹಿಂದೆ ತಿರುಗಿಸಿದ್ದರು. ಈ ವೇಳೆ ಅದನ್ನು ಸೆರೆಹಿಡಿಯಲಾಗಿದೆ.
ವರ್ಚುವಲ್‌ ಸಭೆಯಲ್ಲಿ ಭಾಗವಹಿಸಿದ್ದ ಬೈಡನ್‌ ಅವರ ಗಲ್ಲದ ಮೇಲೆ ಮೊಟ್ಟೆಯ ಹಳದಿ ಭಾಗವನ್ನು ಹೋಲುವ ಪದಾರ್ಥವೊಂದು ಕಂಡು ಬಂದಿತ್ತು. ಚೀಟಿ ಓದುತ್ತಲೇ ಬೈಡನ್‌ ಅವರು ತಮ್ಮ ಮುಖ ಒರೆಸಿಕೊಳ್ಳುವ ವಿಡಿಯೊ ಕೂಡ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.