ಉಗ್ರರಿಗೆ ಹಣಕಾಸು ಹರಿವು ತಡೆಗೆ ಬ್ರಿಕ್ಸ್ ದೇಶಗಳ ನಿರ್ಧಾರ

ರಿಯೊ ಡಿ ಜನೈರೊ: ಭಯೋತ್ಪಾದಕ ಸಂಘಟನೆಗಳಿಗೆ ಹಣಕಾಸು ಹರಿವು ತಡೆಯಲು ಎಲ್ಲ ದೇಶಗಳು ಕ್ರಮ ತೆಗೆದುಕೊಳ್ಳಬೇಕು ಎಂದು ಬ್ರಿಕ್ಸ್ ದೇಶಗಳು ಮನವಿ ಮಾಡಿವೆ.

ಬ್ರಿಕ್ಸ್ (ಬ್ರೆಜಿಲ್‌, ರಷ್ಯಾ, ಭಾರತ, ಚೀನಾ ಮತ್ತು ದಕ್ಷಿಣ ಆಫ್ರಿಕಾ) ಸಂಘ ಟನೆಯ ಸದಸ್ಯ ರಾಷ್ಟ್ರಗಳ ವಿದೇಶಾಂಗ ಸಚಿವರ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಭಯೋತ್ಪಾದನಾ ಚಟುವಟಿಕೆಗಳಿಗೆ ಕಡಿವಾಣ, ಉಗ್ರ ಸಂಘಟನೆಗಳ ನಿರ್ಮೂಲನೆ, ಹಣಕಾಸು ಮೂಲಗಳಿಗೆ ತಡೆ, ವಿದೇಶ ಪ್ರಯಾಣ ಹಾಗೂ ಮಾಹಿತಿ ಮತ್ತು ತಂತ್ರಜ್ಞಾನದ ದುರುಪಯೋಗಕ್ಕೆ ಅವಕಾಶ ನೀಡದಂತೆ ನಿರ್ಣಯ ಕೈಗೊಳ್ಳಲಾಗಿದೆ. ಇದಕ್ಕಾಗಿ ಹಣಕಾಸು ಕಾರ್ಯ ಪಡೆಗೆ ಸಹಕಾರ ನೀಡುವುದು ಅಗತ್ಯ ಎಂದು ಹೇಳಿವೆ.