ಗುರುದ್ವಾರದ ಮೇಲಿನ ದಾಳಿ: 17 ಜನರ ಬಂಧನ

ವಾಷಿಂಗ್ಟನ್‌: ಸ್ಟಾಕ್‌ಟನ್‌ನ ಗುರುದ್ವಾರದ ಮೇಲೆ ನಡೆದ ಸರಣಿ ಗುಂಡಿನ ದಾಳಿಗೆ ಸಂಬಂಧಿಸಿದಂತೆ ಕ್ಯಾಲಿಪೋರ್ನಿಯಾ ಪೊಲೀಸರು 17 ಜನರನ್ನು ಬಂಧಿಸಿದ್ದಾರೆ.

ಸ್ಯಾಕ್ರಮೆಂಟೊ ಸೇರಿ 20 ಕಡೆಗಳಲ್ಲಿ ಶೋಧ ನಡೆಸಿ ಎಕೆ 47, ಹ್ಯಾಂಡ್‌ ಗನ್‌, ಒಂದು ಮಷಿನ್‌ಗನ್‌ ಅನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಸ್ಟೇಟ್‌ ಅಟಾರ್ನಿ ಜನರಲ್‌ ಸೋಮವಾರ ಹೇಳಿದ್ದಾರೆ. ಬಂಧಿತ ಆರೋಪಿಗಳನ್ನು ಸ್ಥಳೀಯ ಸಿಖ್‌ ಸಮುದಾಯಕ್ಕೆ ಸೇರಿದವರು ಎಂದು ಗುರುತಿಸಲಾಗಿದೆ.