ಚೀನಾ–ರಷ್ಯಾ ಸೇನಾ ಜಂಟಿ ಸಮರಾಭ್ಯಾಸ ಘೋಷಣೆ

ಬೀಜಿಂಗ್: ರಷ್ಯಾದೊಂದಿಗೆ ನೌಕಾ ಮತ್ತು ವಾಯು ಸಮರಾಭ್ಯಾಸ ಆರಂಭಿಸುವುದಾಗಿ ಚೀನಾದ ರಕ್ಷಣಾ ಸಚಿವಾಲಯವು ಸೋಮವಾರ ಘೋಷಿಸಿದೆ.

‘ಉತ್ತರ ಯುನೈಟೆಡ್–2024’ ಸಮರಾಭ್ಯಾಸವು ಜಪಾನ್‌ನ ಸಮುದ್ರ ಮತ್ತು ಉತ್ತರದ ಒಖಾಟ್‌ಸ್ಕ್‌ ಸಮುದ್ರದಲ್ಲಿ ನಡೆಯಲಿದೆ ಎಂದು ಸಚಿವಾಲಯ ತಿಳಿಸಿದೆ. 

‘ನೌಕಾ ಮತ್ತು ವಾಯು ಸಮರಾಭ್ಯಾಸವು ಎರಡು ದೇಶಗಳ ನಡುವಿನ ಕಾರ್ಯತಂತ್ರದ ಸಹಕಾರವನ್ನು ಸುಧಾರಿಸಲು ಮತ್ತು ಭದ್ರತಾ ಬೆದರಿಕೆಗಳನ್ನು ಒಟ್ಟಿಗೆ ಎದುರಿಸಲು ಸಹಕಾರಿಯಾಗಲಿದೆ’ ಎಂದು ಹೇಳಿದೆ.