ಚೀನಾದ ಆರ್ಥಿಕ ಚೇತರಿಕೆ ನಿರ್ಣಾಯಕ ಘಟ್ಟದಲ್ಲಿ: ಷಿ ಜಿನ್‌ಪಿಂಗ್‌

ಬೀಜಿಂಗ್‌ (ರಾಯಿಟರ್ಸ್‌): ಚೀನಾದ ಆರ್ಥಿಕ ಚೇತರಿಕೆಯು ಈಗಲೂ ನಿರ್ಣಾಯಕ ಘಟ್ಟದಲ್ಲಿದೆ ಎಂದು ಅಧ್ಯಕ್ಷ ಷಿ ಜಿನ್‌ಪಿಂಗ್‌ ಅವರು ಶುಕ್ರವಾರ ತಿಳಿಸಿದ್ದಾರೆ.

ಕಮ್ಯುನಿಸ್ಟ್‌ ಪಕ್ಷೇತರ ಪ್ರತಿನಿಧಿಗಳ ಸಭೆಯಲ್ಲಿ ಮಾತನಾಡಿದ ಅವರು, ಈ ಅಪಾಯದಿಂದ ಪಾರಾಗಲು ಮಾರ್ಗೋಪಾಯಗಳನ್ನು ಸೂಚಿಸಿ ಎಂದಿದ್ದಾರೆ.

ದೇಶೀಯ ಬೇಡಿಕೆಗಳ ವಿಸ್ತರಣೆಗೆ ಹಾಗೂ ಉನ್ನತ ಮಟ್ಟದ ಅಭಿವೃದ್ಧಿಗೆ ಸೂಕ್ತ ಸಲಹೆಗಳನ್ನು ನೀಡುವಂತೆಯೂ ಅವರು ಪ್ರತಿನಿಧಿಗಳಲ್ಲಿ ಕೋರಿರುವುದಾಗಿ ಚೀನಾದ ಮಾಧ್ಯಮಗಳು ವರದಿ ಮಾಡಿವೆ.