ಉತ್ತರ ಕ್ಯಾಲಿಫೋರ್ನಿಯಾದಲ್ಲಿ ಭೀಕರ ಕಾಡ್ಗಿಚ್ಚು

ಸ್ಯಾನ್ ಫ್ರಾನ್ಸಿಸ್ಕೋ: ಹಲವು ದಿನಗಳಿಂದ ಉರಿಯುತ್ತಲೇ ಇರುವ ಭೀಕರ ಕಾಡ್ಗಿಚ್ಚು ಬುಧವಾರ ಉತ್ತರ ಕ್ಯಾಲಿಫೋರ್ನಿಯಾದ ಗುಡ್ಡಗಾಡು ಅರಣ್ಯ ಪ್ರದೇಶದಲ್ಲಿನ ಸಿಯರ್ರಾ ನೆವಡಾದತ್ತ ವ್ಯಾಪಿಸಿದೆ.

ಗ್ರೀನ್‌ವಿಲ್ಲೆ ಕಡೆಗೂ ಹರಡಿದ ಬೆಂಕಿಯ ಜ್ವಾಲೆಗೆ ಹಲವಾರು ಗಿಡ ಮರಗಳು ನಾಶವಾಗಿವೆ.

ಶನಿವಾರದಿಂದ ಇಲ್ಲಿಯವರೆಗೆ ಕನಿಷ್ಠ 50 ಮನೆಗಳು ಸುಟ್ಟು ಹೋಗಿವೆ. ಗಂಭೀರವಾಗಿ ಗಾಯಗೊಂಡಿರುವ ಇಬ್ಬರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.