ವಿಮಾನ ಕಣ್ಮರೆ: ದೊರೆಯದ ಸುಳಿವು

ಕ್ವಾಲಾಲಂಪುರ: ನಾಲ್ಕು ವರ್ಷದ ಹಿಂದೆ ನಿಗೂಢವಾಗಿ ಕಣ್ಮರೆಯಾದ ಎಂಎಚ್‌ 370 ವಿಮಾನ ಕುರಿತ ಅಧಿಕೃತ ತನಿಖಾ ವರದಿ ಸೋಮವಾರ ಬಿಡುಗಡೆಗೊಂಡಿದ್ದು, ಯಾವುದೇ ಹೊಸ ಸುಳಿವು ಸಿಕ್ಕಿರುವ ಬಗ್ಗೆ ಖಚಿತ ಮಾಹಿತಿ ನೀಡಿಲ್ಲ. ವಿಮಾನದಲ್ಲಿ ಸಾವನ್ನಪ್ಪಿದ ಪ್ರಯಾಣಿಕರ ಸಂಬಂಧಿಕರ ಆಕ್ರೋಶಕ್ಕೆ ಈ ವರದಿ ಗುರಿಯಾಗಿದೆ.

ತಾಂತ್ರಿಕ ಕಾರಣಕ್ಕಿಂತಲೂ ಸಿಬ್ಬಂದಿಯ ಲೋಪವನ್ನೇ ಹೆಚ್ಚು ಎತ್ತಿಹಿಡಿಯಲಾಗಿದ್ದು, ಸರ್ಕಾರ ಮತ್ತು ವೈಮಾನಿಕ ಸಂಸ್ಥೆಯ ವೈಫಲ್ಯವನ್ನು ಅಧಿಕೃತ ತನಿಖಾ ತಂಡದ ವರದಿಯಲ್ಲಿ ಬೊಟ್ಟುಮಾಡಲಾಗಿದೆ.

ಸಿಬ್ಬಂದಿ ಮತ್ತು ಪ್ರಯಾಣಿಕರು ಸೇರಿದಂತೆ ಒಟ್ಟು 239ಜನರಿದ್ದ ಮಲೇಷ್ಯಾದ ಎಂಎಚ್‌ 370 ವಿಮಾನವು 2014ರ ಮಾರ್ಚ್‌ 8ರಂದು ಕ್ವಾಲಾಲಂಪುರದಿಂದ ಬೀಜಿಂಗ್‌ಗೆ ತೆರಳುವಾಗ ನಿಗೂಢ ರೀತಿಯಲ್ಲಿ ನಾಪತ್ತೆಯಾಗಿತ್ತು.