ಫ್ರಾನ್ಸ್‌–ಉಕ್ರೇನ್‌ ನಡುವೆ ಭದ್ರತಾ ಒಪ್ಪಂದ

ಪ್ಯಾರಿಸ್‌: ಫ್ರಾನ್ಸ್‌ ಮತ್ತು ಉಕ್ರೇನ್‌ ದೇಶಗಳು ಗುರುವಾರ ದ್ವಿಪಕ್ಷೀಯ ಭದ್ರತಾ ಒಪ್ಪಂದ ಮಾಡಿಕೊಂಡಿವೆ. ಫ್ರಾನ್ಸ್‌ ಅಧ್ಯಕ್ಷ ಇಮ್ಯಾನುಯೆಲ್‌ ಮ್ಯಾಕ್ರನ್‌ ಮತ್ತು ವೊಲೊಡಿಮಿರ್‌ ಝೆಲೆನ್‌ಸ್ಕಿ ಅವರು ಈ ಒಪ್ಪಂದಕ್ಕೆ ಸಹಿ ಮಾಡಿದ್ದಾರೆ.

ಫ್ರಾನ್ಸ್‌ ಎಲಿಸೀ ಅರಮನೆಯಲ್ಲಿ ನಡೆದ ಈ ಒಪ್ಪಂದದ ಕುರಿತ ವಿವರಗಳನ್ನು ಎರಡೂ ರಾಷ್ಟ್ರಗಳು ಬಿಡುಗಡೆ ಮಾಡಿಲ್ಲ. 

ಉಕ್ರೇನ್‌ ಮೇಲೆ ರಷ್ಯಾ ಆಕ್ರಮಣ ಮಾಡಿದ ಬಳಿಕ ಝೆಲೆನ್‌ಸ್ಕಿ ಅವರು ಪ್ಯಾರಿಸ್‌ಗೆ ನೀಡಿದ ಮೂರನೇ ಭೇಟಿ ವೇಳೆ ಈ ಒಪ್ಪಂದ ನಡೆದಿದೆ. ಇದಕ್ಕೂ ಮುನ್ನ ಅವರು 2023ರ ಫೆಬ್ರುವರಿ ಮತ್ತು ಮೇ ತಿಂಗಳಲ್ಲಿ ಪ್ಯಾರಿಸ್‌ಗೆ ಭೇಟಿ ನೀಡಿದ್ದರು.