ಲಾಟರಿ | ಯುಎಇಯಲ್ಲಿ ₹ 33 ಕೋಟಿ ಗೆದ್ದ ಭಾರತೀಯ ಮೂಲದ ಚಾಲಕ

ದುಬೈ: ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ನಲ್ಲಿ (ಯುಎಇ) ನೆಲೆಸಿರುವ ಭಾರತ ಮೂಲದ ಚಾಲಕ ಅಜಯ್‌ ಒಗುಲಾ (31) ಅವರು ₹33 ಕೋಟಿ (15 ದಶಲಕ್ಷ ದಿರ್ಹಾಮ್ಸ್‌) ಮೊತ್ತದ ಲಾಟರಿ ಜಯಿಸಿದ್ದಾರೆ.

ಆಭರಣ ಸಂಸ್ಥೆಯೊಂದರಲ್ಲಿ ಚಾಲಕನಾಗಿ ಕೆಲಸ ಮಾಡುತ್ತಿರುವ ಅಜಯ್‌ ಅವರು ಇದೇ ಮೊದಲ ಬಾರಿಗೆ ಎರಡು ಲಾಟರಿ ಟಿಕೆಟ್‌ ಖರೀದಿಸಿದ್ದರು. ಅವರು ಈ ಹಣದಲ್ಲಿ ಮನೆಯೊಂದನ್ನು ಕಟ್ಟಿಸಿ, ನಿರ್ಮಾಣ ಕಂಪನಿಯೊಂದನ್ನು ಸ್ಥಾಪಿಸುವ ಗುರಿ ಹೊಂದಿದ್ದಾರೆ.