ವೀಸಾ ಕೊಡಿಸಲು ವಂಚನೆ: ಕೆನಡಾದಲ್ಲಿ ಭಾರತ ಮೂಲದ ವ್ಯಕ್ತಿಗೆ ಶಿಕ್ಷೆ

ಒಟ್ಟಾವ: ಕೆನಡಾದ ವೀಸಾ ದೊರಕುವಂತೆ ಮಾಡಲು ವಿದ್ಯಾರ್ಥಿಗಳಿಗೆ ಕಾಲೇಜು ದಾಖಲಾತಿಯ ನಕಲಿ ಪತ್ರಗಳನ್ನು ಒದಗಿಸಿದ ವಂಚನೆ ಪ್ರಕರಣದಲ್ಲಿ ಭಾರತ ಮೂಲದ ವ್ಯಕ್ತಿಗೆ ವ್ಯಾಂಕೋವರ್‌ ನ್ಯಾಯಾಲಯವೊಂದು ಮೂರು ವರ್ಷಗಳ ಶಿಕ್ಷೆ ವಿಧಿಸಿದೆ. 

ಬ್ರಿಜೇಶ್ ಮಿಶ್ರಾ (37) ಶಿಕ್ಷೆಗೆ ಗುರಿಯಾದವನು. ಕೆನಡಾದ ಗಡಿ ಸೇವೆಗಳ ಸಂಸ್ಥೆಯವರು (ಸಿಬಿಎಸ್‌ಎ) ಪ್ರಕರಣದ ತನಿಖೆ ನಡೆಸಿದಾಗ, ಸರಣಿ ವಂಚನೆ ಪ್ರಕರಣಗಳು ಬಯಲಾಗಿದ್ದವು. 

ಬುಧವಾರ ನ್ಯಾಯಾಲಯದಲ್ಲಿ ವಿಚಾರಣೆಗೆ ಹಾಜರಾದ ಬ್ರಿಜೇಶ್, ತಪ್ಪೊಪ್ಪಿಕೊಂಡ. ಇನ್ನು ಮುಂದೆ ಅಂತಹ ಕೃತ್ಯ ಎಸಗುವುದಿಲ್ಲ ಎಂದು ಹೇಳಿದ.