ಮಾಲೆ: ಕುಸಿದುಬಿದ್ದು ಭಾರತ ಮೂಲದ ಕಾರ್ಮಿಕ ಸಾವು

ಮಾಲೆ: ಮಾಲ್ದೀವ್ಸ್‌ ರಾಜಧಾನಿ ಮಾಲೆಯಲ್ಲಿ ಪ್ರಮುಖ ಸೇತುವೆಯೊಂದರ ನಿರ್ಮಾಣ ಚಟುವಟಿಕೆಯಲ್ಲಿ ತೊಡಗಿದ್ದ ಭಾರತ ಮೂಲದ ಕಾರ್ಮಿಕನೊಬ್ಬ ಸೋಮವಾರ ರಾತ್ರಿ, ಕೆಲಸದ ಅವಧಿಯಲ್ಲಿಯೇ ಕುಸಿದು ಬಿದ್ದು ಮೃತಪಟ್ಟಿದ್ದಾರೆ.

ಪೊಲೀಸರು ಮೃತನ ಗುರುತು ಬಹಿರಂಗಪಡಿಸಿಲ್ಲ. ಇತ್ತೀಚೆಗೆ ವರದಿಯಾದ ಎರಡನೇ ಪ್ರಕರಣ ಇದಾಗಿದೆ. ಸುದ್ದಿ ವೆಬ್‌ ಪೋರ್ಟಲ್‌ವೊಂದರ ಪ್ರಕಾರ, ಸೋಮವಾರ ರಾತ್ರಿ ಸಿನಮಲೆ ಸೇತುವೆ ನಿರ್ಮಾಣ ಸ್ಥಳದ ಬಳಿ ಘಟನೆ ನಡೆದಿದೆ. ಕಾರ್ಮಿಕನನ್ನು ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ, ಆ ವೇಳೆಗಾಗಲೇ ಆತ ಮೃತಪಟ್ಟಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.