ನಿರ್ಬಂಧ ತೆರವುಗೊಳಿಸಿದರೆ ಪರಮಾಣು ಒಪ್ಪಂದಕ್ಕೆ ಮರು ಸೇರ್ಪಡೆ: ಇರಾನ್‌

ಟೆಹರಾನ್‌: ಪಾಶ್ಚಿಮಾತ್ಯ ರಾಷ್ಟ್ರಗಳೊಂದಿಗಿನ ಪರಮಾಣು ಒಪ್ಪಂದದಲ್ಲಿ ಇರಾನ್‌ ಮರು ಸೇರ್ಪಡೆಯಾಗಬೇಕಿದ್ದಲ್ಲಿ ಅಮೆರಿಕವು ಇರಾನ್‌ ಮೇಲೆ ಹೇರಿರುವ ಎಲ್ಲಾ ನಿರ್ಬಂಧಗಳನ್ನು ತೆರವುಗೊಳಿಸಬೇಕು ಎಂದು ಇರಾನ್‌ನ ಸರ್ವೋಚ್ಚ ನಾಯಕ ಆಯತೊಲ್ಲಾ ಅಲಿ ಖಮೇನಿ ಅವರು ಭಾನುವಾರ ತಿಳಿಸಿದರು.

‘ಇರಾನ್‌ ಮತ್ತೆ ಒಪ್ಪಂದಕ್ಕೆ ಸೇರ್ಪಡೆಯಾಗಲು ಸಿದ್ಧವಿದೆ. ಆದರೆ, ನಮ್ಮದೇ ಆದ ಕೆಲವು ಷರತ್ತುಗಳಿವೆ’ ಎಂದು ಹೇಳಿದ್ದಾರೆ.

‘ಇರಾನ್‌ ಮತ್ತೆ ಪರಮಾಣು ಒಪ್ಪಂದಕ್ಕೆ ಸೇರ್ಪಡೆಯಾಗ ಬೇಕಿದ್ದರೆ, ಅಮೆರಿಕವು ಇರಾನ್‌ ಮೇಲೆ ಹೇರಿರುವ ಎಲ್ಲಾ ನಿರ್ಬಂಧಗಳನ್ನು ತೆರವುಗೊಳಿಸಬೇಕು. ಈ ಬಗ್ಗೆ ನಾವು ಪರಿಶೀಲಿಸುತ್ತೇವೆ. ಒಂದು ವೇಳೆ ಅಮೆರಿಕವು ಎಲ್ಲಾ ನಿರ್ಬಂಧಗಳನ್ನು ತೆಗೆದುಹಾಕಿಲ್ಲ ನಾವು ಪರಮಾಣು ಒಪ್ಪಂದಕ್ಕೆ ಮರು ಸೇರ್ಪಡೆಯಾಗುತ್ತೇವೆ’ ಎಂದು ಖಮೇನಿ ತಿಳಿಸಿದರು.

ಇದನ್ನೂ ಓದಿ:ಇಸ್ರೇಲ್‌ ಪ್ರಧಾನಿ ನೆತನ್ಯಾಹು ರಾಜೀನಾಮೆ ಆಗ್ರಹಿಸಿ ಮುಂದುವರಿದ ಪ್ರತಿಭಟನೆ