ಅಫ್ಗಾನಿಸ್ತಾನ: ಮಿನಿ ಬಸ್‌ ಸ್ಫೋಟ ಪ್ರಕರಣ, ದಾಳಿ ಹೊಣೆ ಹೊತ್ತ ಐಎಸ್

ಇಸ್ಲಾಮಾಬಾದ್‌: ಅಫ್ಗಾನಿಸ್ತಾನ ರಾಜಧಾನಿಯಲ್ಲಿ ಶನಿವಾರ ಮಿನಿ ಬಸ್‌ ಸ್ಫೋಟಗೊಂಡು ಕನಿಷ್ಠ ಇಬ್ಬರು ಮೃತಪಟ್ಟಿದ್ದು, ಇಸ್ಲಾಮಿಕ್‌ ಸ್ಟೇಟ್‌ ಗ್ರೂಪ್ ದಾಳಿಯ ಹೊಣೆಯನ್ನು ಹೊತ್ತಿದೆ.

ದಸ್ತಿ ಬರ್ಚಿಯಲ್ಲಿ ನಡೆದ ಸ್ಫೋಟದಲ್ಲಿ 14 ಮಂದಿ ಗಾಯಗೊಂಡಿದ್ದರು ಎಂದು ಪೊಲೀಸ್‌ ವಕ್ತಾರರು ತಿಳಿಸಿದ್ದಾರೆ.

‘ಶಿಯಾ ಮುಸ್ಲಿಮರಿದ್ದ ಬಸ್‌ನಲ್ಲಿ ಸ್ಫೋಟಕ ಸಾಧನಗಳನ್ನು ಇಟ್ಟು ದಾಳಿ ನಡೆಸಲಾಯಿತು’ ಎಂದು ಸುನ್ನಿ ಭಯೋತ್ಪಾದಕ ಗುಂಪು ಹೇಳಿಕೆಯಲ್ಲಿ ತಿಳಿಸಿದೆ.