ಅಮೆರಿಕ ಪ್ರವಾಸ | ನಾಳೆ ಜೈಶಂಕರ್‌–ಬ್ಲಿಂಕೆನ್ ಭೇಟಿ

ವಾಷಿಂಗ್ಟನ್: ಭಾರತೀಯ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್‌.ಜೈಶಂಕರ್‌ ಅವರು ಮಂಗಳವಾರ ಅಮೆರಿಕ ವಿದೇಶಾಂಗ ವ್ಯವಹಾರ ಸಚಿವ ಅಂಟೋನಿ ಬ್ಲಿಂಕೆನ್‌ ಅವರನ್ನು ಭೇಟಿ ಮಾಡಲಿದ್ದಾರೆ.

ಈ ಭೇಟಿಯಲ್ಲಿ ಉಕ್ರೇನ್‌ ಯುದ್ಧ ಮತ್ತು ಮಧ್ಯಪ್ರಾಚ್ಯ ಬಿಕ್ಕಟ್ಟು ಸೇರಿದಂತೆ ವ್ಯಾಪಕವಾದ ದ್ವಿಪಕ್ಷೀಯ ಮತ್ತು ಜಾಗತಿಕ ಸಮಸ್ಯೆಗಳ ಕುರಿತು ಚರ್ಚಿಸುವ ಸಾಧ್ಯತೆಗಳಿವೆ.

ಅಂಟೋನಿ ಬ್ಲಿಂಕೆನ್‌ ಅವರನ್ನು ಭೇಟಿ ಮಾಡುವ ಜೊತೆಗೆ ಚಿಂತಕರೊಂದಿಗೆ ಸಂವಾದ ನಡೆಸಲು ಜೈಶಂಕರ್ ನಿರ್ಧರಿಸಿದ್ದಾರೆ.

ಜೈಶಂಕರ್‌ ಅವರು ಭಾನುವಾರ ವಾಷಿಂಗ್ಟನ್‌ಗೆ ಆಗಮಿಸಿದ್ದು, ಕ್ಯಾಬಿನೆಟ್ ಮತ್ತು ಬೈಡನ್‌ ಸರ್ಕಾರದ ಅಧಿಕಾರಿಗಳನ್ನು ಭೇಟಿ ಮಾಡಲಿದ್ದಾರೆ.