ವಾಷಿಂಗ್ಟನ್: ಇಸ್ರೇಲ್ಗೆ ಒಂದು ಬಿಲಿಯನ್ ಡಾಲರ್ಗೂ ಹೆಚ್ಚು ಮೌಲ್ಯದ ಶಸ್ತ್ರಾಸ್ತ್ರ ಹಾಗೂ ಮದ್ದುಗುಂಡುಗಳನ್ನು ಪೂರೈಸುವುದಾಗಿ ಅಮೆರಿಕ ಹೇಳಿದೆ. ಆದರೆ ಇವುಗಳನ್ನು ಯಾವಾಗ ರವಾನಿಸಲಾಗುತ್ತದೆ ಎನ್ನುವುದರ ಬಗ್ಗೆ ಸ್ಪಷ್ಟತೆ ಇಲ್ಲ.
ಈ ತಿಂಗಳಲ್ಲಿ ಇಸ್ರೇಲ್ಗೆ ಪೂರೈಕೆ ಮಾಡಬೇಕಿದ್ದ 3500 ಬಾಂಬ್ ಅನ್ನು ಸ್ಥಗಿತಗೊಳಿಸಿದ ಬಳಿಕ, ಇದೇ ಮೊದಲ ಬಾರಿಗೆ ಅಮೆರಿಕ ನೆರವಿನ ಘೋಷಣೆ ಮಾಡಿದೆ.
ದಕ್ಷಿಣ ಗಾಜಾದ ರಫಾ ನಗರದ ಮೇಲೆ ಈ ಬಾಂಬ್ಗಳನ್ನು ಪ್ರಯೋಗಿಸುವ ಸಾಧ್ಯತೆ ಇದ್ದುದ್ದರಿಂದ ಬಾಂಬ್ಗಳ ರವಾನೆಯನ್ನು ಸ್ಥಗಿತಗೊಳಿಸಿತ್ತು.
ಮಂಗಳವಾರ ಘೋಷಿಸಲಾದ ನೆರವಿನಲ್ಲಿ, 700 ಮಿಲಿಯನ್ ಡಾಲರ್ ಮೌಲ್ಯದ ಟ್ಯಾಂಕ್ ಮದ್ದುಗುಂಡುಗಳು, 500 ಮಿಲಿಯನ್ ಡಾಲರ್ ಮೌಲ್ಯದ ಯುದ್ಧವಾಹನಗಳು, 60 ಮಿಲಿಯನ್ ಡಾಲರ್ ಮೌಲ್ಯದ ಫಿರಂಗಿಗಳು ಸೇರಿವೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.