ನನ್ನ ಬಳಿಯೇ ಗನ್‌ ಇದೆ: ಗನ್‌ ಮುಟ್ಟುಗೋಲು ಆರೋಪಕ್ಕೆ ಕಮಲಾ ಹ್ಯಾರಿಸ್‌ ತಿರುಗೇಟು
ವಾಷಿಂಗ್ಟನ್‌ : ‘ಸ್ವತಃ ನನ್ನ ಬಳಿಯೇ ಗನ್‌ ಇದೆ. ಹೀಗಿರುವಾಗ ನಾನು ಯಾಕಾದರೂ ಗನ್‌ಗಳನ್ನು ವಶಪಡಿಸಿಕೊಳ್ಳುವ ಯೋಜನೆಯನ್ನು ತರಲಿ?’ ಎಂದು ಅಮೆರಿಕದ ಅಧ್ಯಕ್ಷ ಸ್ಥಾನದ ಡೆಮಾಕ್ರಟಿಕ್‌ ಪಕ್ಷದ ಅಭ್ಯರ್ಥಿ ಕಮಲಾ ಹ್ಯಾರಿಸ್‌ ಹೇಳಿದ್ದಾರೆ.
‘ಕಮಲಾ ಹ್ಯಾರಿಸ್‌ ನಮ್ಮ ದೇಶವನ್ನು ನಾಶ ಮಾಡುತ್ತಿದ್ದಾರೆ. ಎಲ್ಲರ ಬಳಿ ಇರುವ ಗನ್‌ಗಳನ್ನು ವಶಪಡಿಸಿಕೊಳ್ಳುವ ಯೋಜನೆಯನ್ನು ಅವರು ಹೊಂದಿದ್ದಾರೆ’ ಎಂದು ರಿಪಬ್ಲಿಕನ್‌ ಪಕ್ಷದ ಅಭ್ಯರ್ಥಿ ಡೊನಾಲ್ಡ್‌ ಟ್ರಂಪ್‌ ಅವರು ಆರೋಪಿಸಿದ್ದರು.
ಇದಕ್ಕೆ ತಿರುಗೇಟು ನೀಡಿರುವ ಕಮಲಾ, ‘ನಾನು ಅಧಿಕಾರಕ್ಕೆ ಬಂದ ಬಳಿಕ ಜನರ ಬಳಿ ಇರುವ ಗನ್‌ಗಳನ್ನು ವಶಪಡಿಸಿಕೊಳ್ಳುತ್ತೇನೆ ಎಂದು ಸುಳ್ಳು ಆರೋಪ ಮಾಡಲಾಗುತ್ತಿದೆ. ನನ್ನ ಬಳಿಯೇ ಗನ್‌ ಇದೆ. ಟಿಮ್‌ ವಾಲ್ಜ್‌, ನಾನು ಇಬ್ಬರೂ ಗನ್‌ ಮಾಲೀಕರು. ನಾವು ಯಾರ ಗನ್‌ ಅನ್ನೂ ಕಸಿದುಕೊಳ್ಳಲು ಯೋಜಿಸಿಲ್ಲ. ಆತ್ಮರಕ್ಷಣೆಗಾಗಿ ಗನ್‌ ಹೊಂದಿದ್ದೇನೆ’ ಎಂದು ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.