ಪಾಕಿಸ್ತಾನ | ವಾಹನದ ಮೇಲೆ ಉಗ್ರರ ದಾಳಿ: 50 ಜನ ಸಾವು

ಪೆಶಾವರ: ಪಾಕಿಸ್ತಾನದ ವಾಯವ್ಯ ಭಾಗದಲ್ಲಿ ನಾಗರಿಕರನ್ನು ಕರೆದೊಯ್ಯುತ್ತಿದ್ದ ಹಲವು ವಾಹನಗಳ ಮೇಲೆ ಭಯೋತ್ಪಾದಕರು ನಡೆಸಿದ ದಾಳಿಯಲ್ಲಿ ಕನಿಷ್ಠ 50 ಮಂದಿ ಮೃತಪಟ್ಟಿದ್ದು, 20 ಮಂದಿ ಗಾಯಗೊಂಡಿದ್ದಾರೆ..

ಅಫ್ಗಾನಿಸ್ತಾನದ ಜತೆ ಗಡಿ ಹೊಂದಿರುವ ಖೈಬರ್‌ ಪಖ್ತುಂಖ್ವಾ ಪ್ರದೇಶದ ಕುರ‍್ರಂ ಜಿಲ್ಲೆಯಲ್ಲಿ ಭಯೋತ್ಪಾದಕರು ವಾಹನಗಳ ಮೇಲೆ ದಾಳಿ ನಡೆಸಿದ್ದಾರೆ.

ಈ ವಾಹನಗಳು ಪರಾಚಿನಾರ್‌ನಿಂದ ಪೆಶಾವರ್‌ ಕಡೆ ಹೊರಟಿದ್ದಾಗ ಬಂದೂಕುದಾರಿಗಳು ಮನಬಂದಂತೆ ಗುಂಡು ಹಾರಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸಾವಿಗೀಡಾದವರಲ್ಲಿ ಎಂಟು ಮಹಿಳೆಯರು, ಐವರು ಮಕ್ಕಳು ಸೇರಿದ್ದಾರೆ.