ಭೂಮಿ ಚಿತ್ರ ಸೆರೆಹಿಡಿದ ಪಾರ್ಕರ್ ನೌಕೆ

ವಾಷಿಂಗ್ಟನ್: ಸೂರ್ಯನ ಅಧ್ಯಯನಕ್ಕೆ ಉಡಾವಣೆ ಮಾಡಿರುವ ಮೊಟ್ಟಮೊದಲ ಪಾರ್ಕರ್ ಸೋಲಾರ್‌ ಪ್ರೋಬ್ ನೌಕೆಯು ಬಾಹ್ಯಾಕಾಶದಿಂದ ಭೂಮಿಯ ಚಿತ್ರ ಸೆರೆಹಿಡಿದಿದೆ.

ಸೆಪ್ಟೆಂಬರ್ 25ರಂದು ಭೂಮಿಯಿಂದ 2.7 ಕೋಟಿ ಮೈಲು ದೂರದಿಂದ ತೆಗೆಯಲಾದ ಈ ಚಿತ್ರದ ಬಲಭಾಗದಲ್ಲಿ ದುಂಡಗಿನ ಭೂಮಿ ಹೊಳೆಯುತ್ತಿರುವುದು ಕಾಣುತ್ತದೆ. ನೌಕೆಯಲ್ಲಿರುವ ವೈಡ್ ಫೀಲ್ಡ್ ಇಮೇಜರ್‌ (ಡಬ್ಲ್ಯೂಐಎಸ್‌ಪಿಆರ್) ಮೂಲಕ ಚಿತ್ರ ತೆಗೆಯಲಾಗಿದೆ. ಆಗಸ್ಟ್ 12ರಂದು ನೌಕೆ ಉಡಾವಣೆ ಮಾಡಲಾಗಿತ್ತು. ಏಳು ವರ್ಷಗಳ ಅವಧಿಯಲ್ಲಿ ಅದು ಗುರಿ ತಲುಪಲಿದೆ.