ಅವ್ಯವಹಾರ: ‘ನಿಸಾನ್’ ಮುಖ್ಯಸ್ಥನ ಬಂಧನ

ಟೋಕಿಯೊ : ಕಾರು ತಯಾರಿಕಾ ಸಂಸ್ಥೆ ನಿಸಾನ್, ತನ್ನ ಮುಖ್ಯಸ್ಥ ಕಾರ್ಲಸ್ ಘೋಸ್ನ್ ಹಣ ದುರ್ಬಳಕೆ ಮಾಡಿಕೊಂಡಿದ್ದು, ಗಂಭೀರವಾದ ಅನುಚಿತ ವರ್ತನೆ ತೋರಿದ್ದಾರೆ ಎಂದು ಆರೋಪಿಸಿದೆ. ಇದರ ನಡುವೆಯೇ, ಅವರು ಬಂಧನಕ್ಕೆ ಒಳಗಾಗಿದ್ದಾರೆ ಎಂದು ಹೇಳಲಾಗಿದೆ.

‘ಘೋಸ್ನ್ ಅವರನ್ನು ವಿಚಾರಣೆಗೆ ಒಳಪಡಿಸಲಾಗುತ್ತಿದೆ. ಸೇವೆಯಿಂದ ಅವರನ್ನುಅಮಾನತುಗೊಳಿಸುವಂತೆ ಪ್ರಸ್ತಾವ ಇರಿಸಲಾಗುವುದು’ ಎಂದು ಸಂಸ್ಥೆ ತಿಳಿಸಿದೆ. ಆದಾಯ ಕುರಿತ ಮಾಹಿತಿಯನ್ನು ಮರೆಮಾಚಿದ್ದು ಸೇರಿದಂತೆ ಘೋಸ್ನ್ ತಪ್ಪೆಸಗುತ್ತಾ ಬಂದಿದ್ದಾರೆ ಎನ್ನಲಾಗಿದ್ದು, ಈ ಕುರಿತು ಸ್ವತಃ ತನಿಖೆ ನಡೆಸಲಾಗುವುದು ಎಂದು ಸಂಸ್ಥೆ ಹೇಳಿದೆ.