ಇಸ್ರೇಲ್‌ ಮೇಲೆ ರಾಕೆಟ್‌ ದಾಳಿ ನಡೆಸಿದ ಲೆಬನಾನ್‌: ಏಳು ಮಂದಿ ಸಾವು

ಟೆಲ್‌ ಅವೀವ್‌: ಉತ್ತರ ಇಸ್ರೇಲ್‌ ಮೇಲೆ ಗುರುವಾರ ಲೆಬನಾನ್‌ ನಡೆಸಿದ ರಾಕೆಟ್‌ ದಾಳಿಯಲ್ಲಿ, ನಾಲ್ವರು ವಿದೇಶಿ ಕಾರ್ಮಿಕರು ಮತ್ತು ಮೂವರು ಇಸ್ರೇಲಿಗಳು ಸೇರಿದಂತೆ ಒಟ್ಟು ಏಳು ಮಂದಿ ಮೃತಪಟ್ಟಿದ್ದಾರೆ ಎಂದು ಇಸ್ರೇಲ್‌ ವೈದ್ಯರು ಹೇಳಿದ್ದಾರೆ.

ಲೆಬನಾನ್‌ ಮೇಲೆ ಇಸ್ರೆಲ್‌ ದಾಳಿ ಕೈಗೊಂಡ ಬಳಿಕ, ಇಸ್ರೇಲ್‌ನಲ್ಲಿ ನಡೆದ ಅತ್ಯಂತ ಭೀಕರ ಗಡಿಯಾಚೆಗಿನ ದಾಳಿ ಇದಾಗಿದೆ.

ಇದರ ನಡುವೆಯೂ ಇಸ್ರೇಲ್‌, ಲೆಬನಾನ್‌ನಲ್ಲಿ ಹಿಜ್ಬುಲ್ಲಾ ಉಗ್ರರರನ್ನು ಗುರಿಯಾಗಿಸಿ ವೈಮಾನಿಕ ದಾಳಿ ಮುಂದುವರಿಸಿದೆ. ಈ ದಾಳಿಯಲ್ಲಿ 24 ಜನರು ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಅಧಿಕಾರಿಗಳು ವರದಿ ಮಾಡಿದ್ದಾರೆ.