ಭಯೋತ್ಪಾದಕರ ಪಟ್ಟಿಗೆ ಕ್ಯಾಸ್ಪರೋವ್ ಹೆಸರು ಸೇರಿಸಿದ ರಷ್ಯಾ

ಮಾಸ್ಕೊ: ರಷ್ಯಾದ ಆರ್ಥಿಕ ನಿಗಾ ಸಮಿತಿಯು ಚೆಸ್‌ ಗ್ರ್ಯಾಂಡ್‌ಮಾಸ್ಟರ್‌ ಹಾಗೂ ರಾಜಕೀಯ ಹೋರಾಟಗಾರ ಗ್ಯಾರಿ ಕ್ಯಾಸ್ಪರೋವ್ ಅವರನ್ನು ‘ಭಯೋತ್ಪಾದಕರು ಹಾಗೂ ಉಗ್ರಗಾಮಿಗಳ’ ಪಟ್ಟಿಗೆ ಬುಧವಾರ ಸೇರಿಸಿದೆ.

ರಷ್ಯಾದಲ್ಲಿ ಜನಿಸಿದ, ವಿಶ್ವದ ಮಾಜಿ ಚೆಸ್‌ ಚಾಂಪಿಯನ್‌ ಕ್ಯಾಸ್ಪರೋವ್ ಅವರು ಬಹುಕಾಲದಿಂದಲೂ ಅಧ್ಯಕ್ಷ ವ್ಲಾದಿಮಿರ್‌ ಪುಟಿನ್ ಅವರನ್ನು ವಿರೋಧಿಸುತ್ತಾ ಬಂದಿದ್ದಾರೆ. ಒಂದು ದಶಕಕ್ಕೂ ಹೆಚ್ಚು ಕಾಲದಿಂದ ಅವರು ಅಮೆರಿಕದಲ್ಲಿ ನೆಲೆಸಿದ್ದಾರೆ.