ಚಿಕಾಗೊದಲ್ಲಿ ಗುಂಡಿನ ದಾಳಿ: 7 ಜನ ಸಾವು– ಗನ್ ಹಿಡಿದ ಹಂತಕ ಪರಾರಿ!

ಚಿಕಾಗೊ: ದುಷ್ಕರ್ಮಿಯೊಬ್ಬ ನಡೆಸಿದ ಗುಂಡಿನ ದಾಳಿಗೆ 7 ಜನ ಮೃತಪಟ್ಟಿರುವ ಘಟನೆ ಅಮೆರಿಕದ ಚಿಕಾಗೊದಲ್ಲಿ ಸೋಮವಾರ ನಡೆದಿದೆ.

ಚಿಕಾಗೊ ಹೊರವಲಯದ ಎರಡು ಮನೆಗಳಲ್ಲಿ ಆಗಂತುಕ ಗುಂಡಿನ ದಾಳಿ ನಡೆಸಿ ಪರಾರಿಯಾಗಿದ್ದಾನೆ. ಆತನ ಪತ್ತೆಗೆ ಪೊಲೀಸರು ತೀವ್ರ ಹುಡುಕಾಟ ನಡೆಸುತ್ತಿದ್ದಾರೆ ಎಂದು ತಿಳಿದು ಬಂದಿದೆ.

ಈ ಘಟನೆ ಚಿಕಾಗೊದ ಜೊಲೈಟ್ ಪ್ರದೇಶದ 2200 block of West Acres Road ಎಂಬಲ್ಲಿ ನಡೆದಿದೆ. ಈ ಬಗ್ಗೆ ಜೊಲೈಟ್ ಪೊಲೀಸರು ಆರೋಪಿಯ ಫೋಟೊ ಮತ್ತು ಅವನು ಕೃತ್ಯಕ್ಕೆ ಬಳಸಿದ ಕಾರಿನ ಚಿತ್ರವನ್ನು X ತಾಣದಲ್ಲಿ ಬಿಡುಗಡೆ ಮಾಡಿದ್ದಾರೆ.

ಆರೋಪಿಯನ್ನು 22 ವರ್ಷದ ರೊಮಿಯೊ ನ್ಯಾನ್ಸ್‌ ಎಂದು ಗುರುತಿಸಲಾಗಿದೆ.

ಅವನು ಅಪಾಯಕಾರಿ ಆಯುಧ ಹಿಡಿದು ಕೆಂಪು ಟೊಯೊಟೊ ಕಾರಿನಲ್ಲಿ ಪರಾರಿಯಾಗಿದ್ದಾನೆ. ಅವನ ಪತ್ತೆಗೆ ತೀವ್ರ ಹುಡುಕಾಟ ನಡೆಸುತ್ತಿದ್ದೇವೆ. ನಾಗರಿಕರು ಮನೆಯಿಂದ ಹೊರಬರದೆ ಎಚ್ಚರಿಕೆಯಿಂದ ಇರಬೇಕು ಎಂದು ತಿಳಿಸಿದ್ದಾರೆ.