ಟೆಕ್ಸಾಸ್‌ನಲ್ಲಿ ಬಿರುಗಾಳಿ: ಯುವಕನ ಸಾವು

ಹೂಸ್ಟನ್‌: ಟೆಕ್ಸಾಸ್‌ನಲ್ಲಿ ಪುನಃ ಪ್ರಬಲ ಚಂಡಮಾರುತ ಆವರಿಸಿದ್ದು, ಭಾರಿ ಬಿರುಗಾಳಿಗೆ ಹಲವು ಮರಗಳು ನೆಲಕ್ಕುರುಳಿವೆ. ಹಲವು ಮನೆಗಳಿಗೆ ಹಾನಿಯಾಗಿದೆ. ರಸ್ತೆಗಳಲ್ಲಿ ದೊಡ್ಡ ಪ್ರಮಾಣದಲ್ಲಿ ನೀರು ಹರಿದಿದೆ. ಪ್ರಕೃತಿ ವಿಕೋಪದಿಂದಾಗಿ ಯುವಕನೊಬ್ಬ ಮೃತಪಟ್ಟಿದ್ದಾನೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಭಾರಿ ಬಿರುಗಾಳಿಯಿಂದಾಗಿ ಮಂಗಳವಾರ 10 ಲಕ್ಷಕ್ಕೂ ಹೆಚ್ಚು ಜನರು ವಿದ್ಯುತ್‌ ಇಲ್ಲದೇ ಕಳೆಯಬೇಕಾಯಿತು. ಅಮೆರಿಕದ ಮಧ್ಯ ಮತ್ತು ದಕ್ಷಿಣ ಭಾಗದಲ್ಲಿ ಪ್ರಬಲ ಚಂಡಮಾರುತ ಸರಣಿಯಿಂದಾಗಿ ವಾರಾಂತ್ಯದಲ್ಲಿ 24 ಜನರು ಮೃತಪಟ್ಟಿದ್ದರು.