ಅಮೆರಿಕದಲ್ಲಿ ಅಪಘಾತ: ಒಂದೇ ಕುಟುಂಬದ ಮೂವರು ಭಾರತೀಯರ ಸಾವು

ಹ್ಯೂಸ್ಟನ್‌: ಅಮೆರಿಕದ ಟೆಕ್ಸಾಸ್‌ನ ಲ್ಯಾಂಪಾಸಾಸ್ ಕೌಂಟಿ ಬಳಿ ಬುಧವಾರ ನಡೆದ ಕಾರು ಅಪಘಾತದಲ್ಲಿ ಭಾರತ ಮೂಲದ ಒಂದೇ ಕುಟುಂಬದ ಮೂವರು ಮೃತಪಟ್ಟಿದ್ದಾರೆ.

ಲಿಯಾಂಡರ್ ಮೂಲದ ಅರವಿಂದ ಮಣಿ (45), ಇವರ ಪತ್ನಿ ಪ್ರದೀಪಾ ಅರವಿಂದ (40), ಪುತ್ರಿ ಆಂಡ್ರಿಲ್ ಅರವಿಂದ (17) ಮೃತರು ಎಂದು ಮಾಧ್ಯಮ ವರದಿಯೊಂದು ತಿಳಿಸಿದೆ.

ತಂದೆ–ತಾಯಿಯ ಜೊತೆ ಪುತ್ರ ಆಂಡ್ರಿಯನ್ (14) ಪ್ರಯಾಣಿಸದಿದ್ದರಿಂದ ಬದುಕುಳಿದಿದ್ದಾರೆ.