ಎಲ್ಲ ವೀಸಾ ರದ್ದುಡಿಸಲು ಟ್ರಂಪ್‌ಗೆ ಆಗ್ರಹ

ವಾಷಿಂಗ್ಟನ್‌: ಎಚ್‌–1ಬಿ ವೀಸಾ ಸೇರಿದಂತೆ ಎಲ್ಲ ವೀಸಾಗಳನ್ನು ಒಂದು ವರ್ಷ ಅಥವಾ ನಿರುದ್ಯೋಗ ಸಮಸ್ಯೆ ನಿಯಂತ್ರಣಕ್ಕೆ ಬರುವವರೆಗೆ ರದ್ದುಪಡಿಸುವಂತೆ ರಿಪಬ್ಲಿಕನ್‌ ಪಕ್ಷದ ನಾಲ್ವರು ಸಂಸದರು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ ಅವರನ್ನು ಒತ್ತಾಯಿಸಿದ್ದಾರೆ.

ಕೊರೊನಾ ಸೋಂಕು ಹಿನ್ನೆಲೆಯಲ್ಲಿ ನಿರುದ್ಯೋಗ ಸಮಸ್ಯೆ ತೀವ್ರಗೊಂಡಿದೆ.ದೇಶದಲ್ಲಿ ಸದ್ಯ 33 ಲಕ್ಷ ಜನರು ನಿರುದ್ಯೋಗಿಗಳಾಗಿದ್ದಾರೆ ಎಂದು ಸಂಸದರಾದ ಟೆಡ್‌ ಕ್ರೂಜ್‌, ಟಾಮ್ ಕಾಟನ್‌, ಚುಕ್‌ ಗ್ರೆಸ್ಲಿ ಮತ್ತು ಜೋಶ್‌ ಹಾಲೆ ಅವರು ಅಧ್ಯಕ್ಷರಿಗೆ ಬರೆದಿರುವ ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ.