ನೆನಪಿನ ಕಾಣಿಕೆಯಾಗಿ ‘ಕ್ಷಿಪಣಿ ಲಾಂಚರ್‌’!

ವಾಷಿಂಗ್ಟನ್‌: ಅಮೆರಿಕದ ವಾಷಿಂಗ್ಟನ್‌ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವ್ಯಕ್ತಿಯೊಬ್ಬರ ಬ್ಯಾಗ್‌ ತಪಾಸಣೆ ವೇಳೆ ‘ಕ್ಷಿಪಣಿ
ಲಾಂಚರ್‌’(ಮಿಸೈಲ್‌ ಲಾಂಚರ್‌)ಪತ್ತೆಯಾಗಿದೆ.

ಈ ಕುರಿತುವ್ಯಕ್ತಿಯನ್ನು ವಿಚಾರಿಸಿದಾಗ, ‘ಕುವೈತ್‌ನಿಂದ ಹಿಂದಿರುಗುವ ವೇಳೆ ನೆನಪಿನ ಕಾಣಿಕೆಯಾಗಿ ಇದನ್ನು ನನಗೆ ನೀಡಲಾಗಿದೆ’ ಎಂದಿದ್ದಾರೆಎಂದು ಅಮೆರಿಕ ಸಾರಿಗೆ ಭದ್ರತಾ ಆಡಳಿತ (ಟಿಎಸ್ಎ) ವಿಭಾಗದ ವಕ್ತಾರೆ ಲೀಸಾ ಫಾರ್ಬಸ್ಟೈನ್‌ ತಿಳಿಸಿದ್ದಾರೆ.

ಘಟನೆ ಕುರಿತು ಪ್ರಕಟಣೆಯಲ್ಲಿ ಮಾಹಿತಿ ನೀಡಿರುವ ಟಿಎಸ್‌ಎ, ‘ವ್ಯಕ್ತಿ ಟೆಕ್ಸಾಸ್‌ನ ಜ್ಯಾಕ್ಸನ್‌ವಿಲ್‌ನ ನಿವಾಸಿಯಾಗಿದ್ದು, ಸೇನೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಅದೃಷ್ಟವಶಾತ್‌ ಕ್ಷಿಪಣಿ ಲಾಂಚರ್‌ ನಿಷ್ಕೃಯವಾಗಿತ್ತು. ಇದನ್ನು ಸಂಬಂಧಿಸಿದ ಇಲಾಖೆಗೆ ಹಸ್ತಾಂತರಿಸಲಾಗಿದೆ. ವ್ಯಕ್ತಿಯನ್ನು ವಶಕ್ಕೆ ಪಡೆಯಲಾಗಿಲ್ಲ’ ಎಂದು ಮಾಹಿತಿ ನೀಡಲಾಗಿದೆ.