ವಿಯೆಟ್ನಾಂ: ವೋ ಥಿ ಅನ್ಹ್‌ ಕ್ಸುವಾನ್‌ ಹಂಗಾಮಿ ಅಧ್ಯಕ್ಷೆ
Published 21 ಮಾರ್ಚ್ 2024, 13:33 IST
ವಿಯೆಟ್ನಾಂ ಉಪಾಧ್ಯಕ್ಷೆ ವೋ ಥಿ ಅನ್ಹ್‌ ಕ್ಸುವಾನ್‌
ಹನೋಯಿ (ವಿಯೆಟ್ನಾಂ): ವಿಯೆಟ್ನಾಂನ ಉಪಾಧ್ಯಕ್ಷೆ ವೋ ಥಿ ಅನ್ಹ್‌ ಕ್ಸುವಾನ್‌ ಅವರು ಹಂಗಾಮಿ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಲಿದ್ದಾರೆ ಎಂದು ‘ಕಮ್ಯುನಿಷ್ಟ್‌ ಪಾರ್ಟಿ’ಗೆ ಸೇರಿದ ಪತ್ರಿಕೆ ಗುರುವಾರ ವರದಿ ಮಾಡಿದೆ. ವಿಯೆಟ್ನಾಂ ಅಧ್ಯಕ್ಷರಾಗಿದ್ದ ವೋ ವಾನ್‌ ಥೌಂಗ್‌ ಅವರು ಬುಧವಾರ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.
ಸದ್ಯಕ್ಕೆ ಖಾಯಂ ಅಧ್ಯಕ್ಷರನ್ನು ಆಯ್ಕೆ ಮಾಡುವ ಸಾಧ್ಯತೆಗಳಿಲ್ಲ ಎಂದು ವಿಶ್ಲೇಷಿಸಲಾಗಿದೆ. 54 ವರ್ಷದ ಕ್ಸುವಾನ್‌ ಅವರು 2ನೇ ಬಾರಿಗೆ ಹಂಗಾಮಿ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಲಿದ್ದಾರೆ.
ತಮ್ಮ ವಿರುದ್ಧ ಭ್ರಷ್ಟಾಚಾರದ ಆರೋಪಗಳು ಕೇಳಿ ಬಂದ ಕಾರಣ ಹಾಗೂ ಅದರ ವಿರುದ್ಧ ಆಂದೋಲನವು ತೀವ್ರಗೊಂಡ ಹಿನ್ನೆಲೆಯಲ್ಲಿ ವೋ ವಾನ್‌ ಥೌಂಗ್‌ ರಾಜೀನಾಮೆ ನೀಡಿದ್ದರು. ಪಕ್ಷದ ಸಮಿತಿಯು ರಾಜೀನಾಮೆಗೆ ಒಪ್ಪಿಗೆ ಸೂಚಿಸಿತ್ತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.