25 ವರ್ಷಗಳ ಹಿಂದೆ: ‘ಸಚಿವ ಸ್ಥಾನ ಕೈತಪ್ಪಲು ಹೆಗಡೆ ಸ್ವಯಂಕೃತ ಅಪರಾಧ ಕಾರಣ’

‘ಸಚಿವ ಸ್ಥಾನ ಕೈತಪ್ಪಲು ಹೆಗಡೆ ಸ್ವಯಂಕೃತ ಅಪರಾಧ ಕಾರಣ’

ನವದೆಹಲಿ, ಅ. 14– ರಾಮಕೃಷ್ಣ ಹೆಗಡೆ ಅವರಿಗೆ ಈಗಿನ ಮಂತ್ರಿಮಂಡಲದಲ್ಲಿ ಅವಕಾಶ ಸಿಗದಿರಲು ಅವರ ‘ಕೆಲವು ಸ್ವಯಂಕೃತ ಅಪರಾಧಗಳು’ ಕಾರಣ ಎಂಬುದಾಗಿ ಜನತಾದಳ (ಯು) ಮೂಲಗಳು ತಿಳಿಸಿವೆ.

ಕರ್ನಾಟಕದಲ್ಲಿ ಜೆ.ಎಚ್‌. ಪಟೇಲ್ ನೇತೃತ್ವದ ಗುಂಪನ್ನು ತಂದು ಬಿಜೆಪಿ ಜತೆ ಮೈತ್ರಿ ಮಾಡಿಸಿದ್ದರಿಂದ ರಾಜ್ಯದಲ್ಲಿ ಪಕ್ಷವು ತನ್ನ ವರ್ಚಸ್ಸನ್ನು ಕಳೆದುಕೊಂಡಿತು ಮತ್ತು ಆಡಳಿತ ವಿರೋಧಿ ಅಲೆಯು ಬಿಜೆಪಿಯನ್ನು ಬಲಿ ತೆಗೆದುಕೊಂಡಿತು. ಆದ್ದರಿಂದ ರಾಮಕೃಷ್ಣ ಹೆಗಡೆ ಅವರನ್ನು ಸಂಪುಟದಲ್ಲಿ ಸೇರಿಸಿಕೊಳ್ಳಬಾರದು ಎಂಬುದಾಗಿ ಕರ್ನಾಟಕದ ಕೆಲವು ಬಿಜೆಪಿ ನಾಯಕರು ಪ್ರಧಾನಮಂತ್ರಿ ಅವರಿಗೆ ದೂರು
ನೀಡಿದ್ದು ಒಂದು ಕಾರಣ ಎಂಬುದಾಗಿ ಗೊತ್ತಾಗಿದೆ.