25 ವರ್ಷಗಳ ಹಿಂದೆ: ಪ.ಬಂಗಾಳ ರೈಲು ನಿಲ್ದಾಣದಲ್ಲಿ ಬಾಂಬ್ ಸ್ಫೋಟಕ್ಕೆ 10 ಬಲಿ

ಕಲ್ಕತ್ತ, ಜೂನ್ 22 (ಯುಎನ್ಐ, ಪಿಟಿಐ)– ನ್ಯೂ ಜಲಪೈಗುರಿ ರೈಲು ನಿಲ್ದಾಣದಲ್ಲಿ ಇಂದು ಮಧ್ಯಾಹ್ನ ಸಂಭವಿಸಿದ ಶಕ್ತಿಯುತ ಬಾಂಬ್ ಸ್ಫೋಟದಲ್ಲಿ ಕಾರ್ಗಿಲ್‌ಗೆ ತೆರಳುತ್ತಿದ್ದ ಇಬ್ಬರು ಸೈನಿಕರೂ ಸೇರಿ 10 ಮಂದಿ ಬಲಿಯಾಗಿ, ಕನಿಷ್ಠ 80 ಮಂದಿ ಗಾಯಗೊಂಡಿದ್ದಾರೆ. 

2 ಫ್ಲಾಟ್‌ಫಾರಂಗಳ ಮಧ್ಯೆ ಸಂಭವಿಸಿದ ಶಬ್ದ ಒಂದು ಕಿ. ಮೀ. ವರೆಗೆ ಕೇಳಿಸಿತು. ಸ್ಫೋಟಕ್ಕೆ ದೆಹಲಿಗೆ ತೆರಳುತ್ತಿದ್ದ ಮಹಾನಂದ ಎಕ್ಸ್‌ಪ್ರೆಸ್ ರೈಲುಗಾಡಿ ಗುರಿಯಾಗಿದೆ ಎಂದು ಕಟಿಹಾರ್‌ನ ವಿಭಾಗೀಯ ರೈಲ್ವೆ ಮ್ಯಾನೇಜರ್ ಸೋಮನಾಥ ಮುಖರ್ಜಿ ಹೇಳಿದ್ದಾರೆ.