ಅಣುಸಾಧನ ಸ್ಫೋಟವು ಭಾರತ–ಅಮೆರಿಕ ಬಾಂಧವ್ಯಕ್ಕೆ ಧಕ್ಕೆ ತಂದಿಲ್ಲ: ಕಿಸಿಂಜರ್‌

ವಾಷಿಂಗ್ಟನ್‌, ಜೂನ್‌ 8– ಭಾರತವು ಅಣು ಸಾಧನವೊಂದನ್ನು ಸ್ಫೋಟಿಸಿದುದು ಭಾರತ–ಅಮೆರಿಕ ಬಾಂಧವ್ಯದ ಮೇಲೆ ಯಾವುದೇ ಪ್ರತಿಕೂಲ ಪರಿಣಾಮ ಉಂಟು ಮಾಡಿಲ್ಲ ಎಂದು ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಡಾ. ಹೆನ್ರಿ ಕಿಸಿಂಜರ್‌ ಅವರು ಮತ್ತೆ ಒತ್ತಿ ಹೇಳಿದ್ದಾರೆ.

ಅಲ್ಲದೆ ಈ ಸ್ಫೋಟವು ಆಗ್ನೇಯ ಏಷ್ಯಾ ರಾಷ್ಟ್ರಗಳ ಶಕ್ತಿ ಸಮತೋಲನದ ಮೇಲೂ ಯಾವ ಪ್ರತಿಕೂಲ ಪರಿಣಾಮ ಉಂಟು ಮಾಡಿಲ್ಲವೆಂದೂ ಅವರು ತಿಳಿಸಿದ್ದಾರೆ.