50 ವರ್ಷಗಳ ಹಿಂದೆ | ಅರಾಜಕತೆ ಮೂಲಕ ಸರ್ಕಾರ ಉರುಳಿಸುವ ಸಂಚು: ಇಂದಿರಾ ಗಾಂಧಿ

‘ಅವ್ಯವಸ್ಥೆ, ಅಶಾಂತಿ ಸೃಷ್ಟಿಸಿ ರಾಜ್ಯಸರ್ಕಾರಗಳ ಪದಚ್ಯುತಿಗೆ ಸಂಚು’

ಪುಣೆ, ಏ.6– ವ್ಯಾಪಕ ಅವ್ಯವಸ್ಥೆ ಮತ್ತು ಕಾನೂನು ಹಾಗೂ ನೆಮ್ಮದಿ ಪಾಲನೆ ಸಮಸ್ಯೆಗಳನ್ನು ಸೃಷ್ಟಿಸುವ ಮೂಲಕ ರಾಜ್ಯಗಳಲ್ಲಿ ಸರ್ಕಾರಗಳನ್ನು ಉರುಳಿಸುವ ಸಂಚೊಂದನ್ನು ಮಾಡಲಾಗುತ್ತಿದೆಯೆಂದು ಪ್ರಧಾನಿ ಇಂದಿರಾಗಾಂಧಿ ಅವರು ಇಲ್ಲಿ ಇಂದು ಹೇಳಿದರು.

ಇಲ್ಲಿನ ರೇಸ್‌ಕೋರ್ಸ್‌ ಮೈದಾನದಲ್ಲಿ ಬೃಹತ್‌ ಬಹಿರಂಗ ಸಭೆಯಲ್ಲಿ ಮಾತನಾಡಿದ ಅವರು, ‘ನಾವು ಹೊಸ ಅಧ್ಯಕ್ಷರನ್ನು ಚುನಾಯಿಸುವುದಕ್ಕೂ ಮುಂಚೆ ಹೊಸ ಚುನಾವಣೆಗಳನ್ನು ನಡೆಸಲು ಕೇಂದ್ರ ಸರ್ಕಾರವನ್ನು ಒತ್ತಾಯಪಡಿಸುವುದೇ ಈ ಸಂಚಿನ ಹಿಂದೆ ಅಡಗಿರುವ ಮುಖ್ಯ ಉದ್ದೇಶ’ ಎಂದೂ ಅವರು ಹೇಳಿದರು.