50 ವರ್ಷಗಳ ಹಿಂದೆ | ಎರಡು ವರ್ಷ ವೇತನ ಸ್ತಂಭನ; ಪಿ.ಎಫ್ ವಾಪಸಾತಿಗೂ ತಡೆ

ನವದೆಹಲಿ, ಜೂನ್ 22– ಹದಿನೆಂಟು ತಿಂಗಳಿನಿಂದ ಎರಡು ವರ್ಷಗಳವರೆಗೆ ವೇತನ ಸ್ತಂಭನ ಜಾರಿಗೆ ತರುವ ವಿಷಯವನ್ನು ಕೇಂದ್ರ ಸರ್ಕಾರ ತೀವ್ರವಾಗಿ ಪರಿಶೀಲಿಸುತ್ತಿದೆ. ಕೇಂದ್ರ ಸರ್ಕಾರ ಮತ್ತು ರಾಜ್ಯ ಸರ್ಕಾರಗಳ ನೌಕರರು ಹಾಗೂ ಸರ್ಕಾರಿ ಮತ್ತು ಖಾಸಗಿ ಕ್ಷೇತ್ರದ ಕೈಗಾರಿಕೆಗಳಲ್ಲಿನ ನೌಕರರ ವೇತನವನ್ನು ಒಂದೂವರೆ ವರ್ಷದಿಂದ ಎರಡು ವರ್ಷದವರೆಗೆ ಏರಿಸದಂತೆ ಹಾಗೂ ನೌಕರರಿಗೆ 2 ವರ್ಷ ತಮ್ಮ ಪ್ರಾವಿಡೆಂಟ್ ಫಂಡ್‌ನಿಂದ ಹಣ ವಾಪಸು ಪಡೆಯಲು ಅವಕಾಶ ನೀಡಬಾರದೆಂಬ ಸಲಹೆಯನ್ನೂ ಪರಿಶೀಲಿಸುತ್ತಿದೆ ಎಂದು ತಿಳಿದುಬಂದಿದೆ.