ಅಪ್ರಬುದ್ಧ ಮಾತು

ಈಚೆಗೆ ನಮ್ಮ ರಾಜಕಾರಣಿಗಳು ಅಪ್ರಬುದ್ಧರಂತೆ ಮಾತನಾಡುವುದು ಜಾಸ್ತಿಯಾಗಿದೆ. ಭಾಷಣದಲ್ಲಿ ಎಕ್ಕಡ, ಬೂಟು ಇತ್ಯಾದಿಗಳನ್ನು ಪ್ರಯೋಗಿಸಿ ಎಳೆಯರಿಗೆ, ಹಿರಿಯರಿಗೆ, ಮತದಾರರಿಗೆ ತಪ್ಪು ಸಂದೇಶ ನೀಡುತ್ತಿದ್ದಾರೆ. ಅವಮಾನ ಮಾಡುತ್ತಿದ್ದಾರೆ.

ಚುನಾವಣೆಯ ಸಂದರ್ಭದ ಭಾಷಣದಲ್ಲಾಗಲೀ ಅಥವಾ ಇತರೆ ಸಭೆ– ಸಮಾರಂಭಗಳಲ್ಲಿ ಮಾತನಾಡುವಾಗ ಆಗಲೀ ಲಕ್ಷ್ಮಣ ರೇಖೆಯನ್ನು ಮರೆಯಬಾರದು.

ಹಿತಮಿತವಾಗಿ ಮಾತನಾಡಿ ಮತದಾರರ ಗೌರವಕ್ಕೆ ಪಾತ್ರರಾಗಬೇಕು. ದೇಶದ ಸಂಸ್ಕೃತಿಗೆ ತಕ್ಕುದಾದ ಮಾತನಾಡಬೇಕು.

ಮೂಡಬಿದಿರೆ