ಮುಕ್ತಿಯೆಂದು?

ರೈಲು ತುಂಬಾ ಅಗ್ಗದ, ಆರಾಮದಾಯಕ ಪ್ರಯಾಣ. ಇಂಥ ರೈಲು ಬೋಗಿಗಳನ್ನು  ಅತಿ ಹೆಚ್ಚು ಮಲಿನಗೊಳಿಸುವುದು ಪ್ರಯಾಣಿಕರು ತಿಂದು ಬಿಸಾಡುವ ಕಡಲೇಕಾಯಿ ಸಿಪ್ಪೆಯ ರಾಶಿ. ಪ್ರತಿ ಬೋಗಿಯಲ್ಲೂ ಇಂತಹ ರಾಶಿ ಕಾಣಸಿಗುತ್ತದೆ.

ರೈಲ್ವೆ ಸಿಬ್ಬಂದಿ ಪ್ರತಿ ದಿನ ಬೋಗಿಯನ್ನು ಸ್ವಚ್ಛ ಮಾಡಿದರೂ ಸಿಪ್ಪೆಯ ರಾಶಿ ಬೀಳುತ್ತಲೇ ಇರುತ್ತದೆ. ರೈಲು ನಮ್ಮೆಲ್ಲರ ಆಸ್ತಿ ಇದ್ದಂತೆ. ಸ್ವಚ್ಛ ಭಾರತ ಅಭಿಯಾನದತ್ತ ಹೆಜ್ಜೆ ಹಾಕುತ್ತಿರುವ ನಮ್ಮ ಜನಪ್ರತಿನಿಧಿಗಳು ಜನಸಾಮಾನ್ಯರಿಗೆ ರೈಲ್ವೆ ಸ್ವಚ್ಛತೆಯ  ಬಗ್ಗೆಯೂ ಕಿವಿ ಹಿಂಡಬೇಕಾಗುತ್ತದೆ.