ಮೆರುಗು ಮೂಡುವುದೆ?

‘ಭಾರತೀಯ ರೈಲ್ವೆಯಂತೆಯೇ ಅಂಚೆ ಜಾಲ ಕೂಡ ದೇಶದ ಆರ್ಥಿಕತೆಗೆ ಚಾಲಕ ಶಕ್ತಿಯಾಗಬಹುದು ಎಂದು ಪ್ರಧಾನಿ ಹೇಳಿರುವುದು  (ಪ್ರ.ವಾ., ಜ. 8) ಗಮನಾರ್ಹ.  ಇದು ಸಾಕಾರ­ಗೊಳ್ಳ­ಬೇಕಾದರೆ  ಅಂಚೆ ಜಾಲದ ಕಾರ್ಯ­ಕ್ಷಮತೆ ­ಹೆಚ್ಚಿಸುವ ಕೆಲಸ ಮೊದಲು ಆಗ ಬೇಕು. ಅಂಚೆ ಸೇವೆಗಳ ಶೋಚನೀಯ ಸ್ಥಿತಿಗೆ ಖಾಸಗಿ ಕೊರಿಯರ್‌ ಸೇವಾ ಸಂಸ್ಥೆಗಳ ಜನಪ್ರಿಯತೆಯೇ ಕನ್ನಡಿ ಹಿಡಿ­ಯು­ತ್ತದೆ. 

ಬೆಂಗಳೂರಿನಂಥ ಮಹಾ­ನಗರ ಬಿಟ್ಟರೆ ಗ್ರಾಮೀಣ  ಪ್ರದೇಶಗಳಿಗೆ ಪತ್ರಗಳು ಆಮೆಗತಿಯಲ್ಲಿಯೇ ತಲುಪು­ತ್ತಿವೆ. ಅಂಚೆ ಪೆಟ್ಟಿಗೆಗಳು ಬಣ್ಣ ಕಳೆದು­ಕೊಂಡು ಇಲಾಖೆಯ ಪಳೆಯುಳಿಕೆ­ಗಳಂತೆ ಕಾಣು­ತ್ತಿವೆ. ಪೆಟ್ಟಿಗೆಗಳ ಮೇಲೆ ಕ್ಲಿಯರೆನ್‌್ಸ ವೇಳಾಪಟ್ಟಿಯೇ ನಮೂದಾ­ಗಿರುವುದಿಲ್ಲ. ಇಷ್ಟೊಂದು ಅಸಡ್ಡೆ ಏಕೆ? ಈ ನ್ಯೂನತೆಗಳು ನಿವಾರಣೆ­ ಆಗುವವೇ?