ವಾಚಕರವಾಣಿ | ವಕೀಲರು-ಪೊಲೀಸರ ಸಂಘರ್ಷ ಆಘಾತಕಾರಿ
ದೆಹಲಿಯ ತೀಸ್ ಹಜಾರಿ ನ್ಯಾಯಾಲಯ ಸಂಕೀರ್ಣದಲ್ಲಿ ವಕೀಲರು ಮತ್ತು ಪೊಲೀಸರ ನಡುವೆ ಶನಿವಾರ ನಡೆದ ಸಂಘರ್ಷವು ನಾಗರಿಕ ಸಮಾಜ ತಲೆತಗ್ಗಿಸುವಂತಿತ್ತು.
ಆ ದಿನ ಅಲ್ಲಿನ ವಕೀಲರ ವರ್ತನೆಯನ್ನು ನೋಡಿದವರಿಗೆ ಅವರಲ್ಲಿ ಮಾನವೀಯ ಗುಣಗಳೇ ಇಲ್ಲವೇನೋ ಎನಿಸುವಂತಿತ್ತು. ಕಾರಣ ಏನೇ ಇರಲಿ, ಕರ್ತವ್ಯನಿರತ ಪೊಲೀಸರ ಮೇಲೆ ವಕೀಲರ ಗುಂಪೊಂದು ಏಕಾಏಕಿ ಮೃಗೀಯ ರೀತಿಯಲ್ಲಿ ದಾಳಿ ನಡೆಸಿತು. ಪೊಲೀಸರ ಮೇಲಿನ ಈ ಹಲ್ಲೆ ಖಂಡನೀಯ.
ವಕೀಲರು ಸಂಘಟಿತರಾಗಿ ಇಂಥ ಕೃತ್ಯಗಳನ್ನು ಎಸಗುವ ಪರಿಪಾಟ ಹೆಚ್ಚುತ್ತಿರುವುದು ಆತಂಕಕಾರಿ. ತಾವು ಏನೇ ಮಾಡಿದರೂ ಕಾನೂನಿನ ದಂಡದಿಂದ ತಪ್ಪಿಸಿಕೊಳ್ಳಬಹುದು ಎನ್ನುವ ಆಕ್ರಮಣಕಾರಿ ಮನೋಭಾವ ಇಂತಹ ದುಷ್ಕೃತ್ಯಕ್ಕೆ ಕಾರಣ.
ಮಾಧ್ಯಮಗಳು ಏಕೋ ಈ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಲಿಲ್ಲ. ಮಾನವ ಹಕ್ಕುಗಳ ಆಯೋಗವಾದರೂ ಈ ಬಗ್ಗೆ ಸ್ವಯಂಪ್ರೇರಿತ ವರದಿ ನೀಡುವ ಮೂಲಕ, ಸಂಘಟನೆಯಿಲ್ಲದ ಪೊಲೀಸರಿಗೆ ಮಾನಸಿಕ ಸ್ಥೈರ್ಯ ತುಂಬಲಿ.
-ತಿಮ್ಮೇಶ ಮುಸ್ಟೂರು, ಜಗಳೂರು
ಇನ್ನಷ್ಟು...
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.