ಅರ್ಜುನ್ ತೆಂಡೂಲ್ಕರ್‌ಗೆ ನಾಯಿ ಕಚ್ಚಿ ಗಾಯ!

ಬೆಂಗಳೂರು: ಮುಂಬೈ ಇಂಡಿಯನ್ಸ್ ತಂಡದ ಆಟಗಾರ ಅರ್ಜುನ್‌ ತೆಂಡೂಲ್ಕರ್ ಅವರಿಗೆ  ನಾಯಿಯೊಂದು ಕಚ್ಚಿ ಗಾಯವಾಗಿದೆ.

ಎರಡು ದಿನಗಳ ಹಿಂದೆ ಈ ಘಟನೆ ನಡೆದಿತ್ತು. ಮಂಗಳವಾರ ಅವರು ಚೇತರಿಸಿಕೊಂಡು ತಂಡಕ್ಕೆ ಮರಳಿದ್ದಾರೆ.

ಲಖನೌ ಸೂಪರ್ ಜೈಂಟ್ಸ್ ತಂಡವು ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ವಿಡಿಯೊ ತುಣುಕೊಂದನ್ನು ಹಾಕಿದೆ.

ಅದರಲ್ಲಿ ಅರ್ಜುನ್ ಮತ್ತು ಲಖನೌ ತಂಡದ ಯುಧವೀರ್ ಸಿಂಗ್ ಅವರ ಮಾತುಕತೆಯಲ್ಲಿ ಈ ವಿಷಯ ಬಹಿರಂಗವಾಗಿದೆ.

’ಆರೋಗ್ಯ ಹೇಗಿದೆ‘ ಎಂದು ಯುಧವೀರ್ ಕೇಳುವ ಪ್ರಶ್ನೆಗೆ, ’ಎರಡು ದಿನಗಳ ಹಿಂದೆ ನಾಯಿ ಕಚ್ಚಿತ್ತು. ಗಾಯ ಈಗ ಗುಣಮುಖವಾಗುತ್ತಿದೆ‘ ಎಂದು ಅರ್ಜುನ್ ಪ್ರತಿಕ್ರಿಯಿಸಿದ್ದಾರೆ.