AUS Vs NZ 3rd T20I | ಕ್ಲೀನ್‌ಸ್ವೀಪ್ ಮಾಡಿದ ಆಸ್ಟ್ರೇಲಿಯಾ
AUS Vs NZ 3rd T20I
X/@crickettracker
ಆಕ್ಲಂಡ್‌: ಆಸ್ಟ್ರೇಲಿಯಾ ತಂಡ ಮಳೆಯ ಆಟವನ್ನು ಕಂಡ ಮೂರನೇ ಹಾಗೂ ಅಂತಿಮ ಟಿ20 ಅಂತರರಾಷ್ಟ್ರೀಯ ಕ್ರಿಕೆಟ್‌ ಪಂದ್ಯದಲ್ಲಿ ಭಾನುವಾರ ಆತಿಥೇಯ ನ್ಯೂಜಿಲೆಂಡ್ ತಂಡವನ್ನು ಡಕ್ವರ್ಥ್‌ ಮತ್ತು ಲೂಯಿಸ್ ನಿಯಮದಡಿ 27 ರನ್‌ಗಳಿಂದ ಸೋಲಿಸಿತು. ಆ ಮೂಲಕ ಸರಣಿಯನ್ನು 3–0 ಕ್ಲೀನ್ ಸ್ವೀಪ್ ಮಾಡಿಕೊಂಡಿತು.
ಟಿ20 ವಿಶ್ವಕಪ್ ಹತ್ತಿರ ಬರುತ್ತಿರುವ ಈ ಗೆಲುವು ಆ ತಂಡದ ವಿಶ್ವಾಸವನ್ನು ವೃದ್ಧಿಸಲು ನೆರವಾಗಲಿದೆ. 100ನೇ ಪಂದ್ಯ ಆಡಿದ ನಾಯಕ ಮಿಚೆಲ್ ಸ್ಯಾಂಟನರ್ ಟಾಸ್‌ ಗೆದ್ದು, ಮಳೆಯ ನಿರೀಕ್ಷೆಯಿಂದ ಬ್ಯಾಟ್‌ ಮಾಡಲು ನಿರ್ಧರಿಸಿದರು. ಪ್ರವಾಸಿಗರ ಇನಿಂಗ್ಸ್‌ ವೇಳೆ ಮೂರು ಬಾರಿ ಮಳೆಯಿಂದ ಅಡಚಣೆಯಾಯಿತು. ಅಂತಿಮವಾಗಿ 10.4 ಓವರುಗಳಲ್ಲಿ 4 ವಿಕೆಟ್‌ಗೆ 118 ರನ್ ಗಳಿಸಿತು. ಡಕ್‌ವರ್ತ್ ಲೂಯಿಸ್ ನಿಯಮದಡಿ ನ್ಯೂಜಿಲೆಂಡ್ 10 ಓವರುಗಳಲ್ಲಿ126 ರನ್ ಗಳಿಸಬೇಕಾಗಿತ್ತು. ಅದು 3 ವಿಕೆಟ್‌ಗೆ 98 ರನ್ ಗಳಿಸುವಷ್ಟರಲ್ಲಿ ಓವರುಗಳು ಮುಗಿದವು.
27 ರನ್ ಮತ್ತು ಒಂದು ವಿಕೆಟ್‌ ಪಡೆದ ಮ್ಯಾಥ್ಯೂ ಶಾರ್ಟ್‌ ಪಂದ್ಯದ ಆಟಗಾರನಾದರೆ, ಮಿಚೆಲ್ ಮಾರ್ಷ್ ಸರಣಿಯ ಆಟಗಾರನಾದರು.
ಸ್ಕೋರುಗಳು: 10.4 ಓವರುಗಳಲ್ಲಿ 4 ವಿಕೆಟ್‌ಗೆ 118 (ಟ್ರಾವಿಸ್‌ ಹೆಡ್‌ 33, ಮ್ಯಾಥ್ಯೂ ಶಾರ್ಟ್‌ 27); ನ್ಯೂಜಿಲೆಂಡ್: 10 ಓವರುಗಳಲ್ಲಿ 3 ವಿಕೆಟ್‌ಗೆ 98 (ಗ್ಲೆನ್‌ ಫಿಲಿಪ್ಸ್‌ ಔಟಾಗದೇ 40, ಚಾಪ್ಮನ್ ಔಟಾಗದೇ 17)
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.