ಬ್ಯಾಸ್ಕೆಟ್ಬಾಲ್: ಫೈನಲ್‌ಗೆ ಮೌಂಟ್ಸ್ ನೈರುತ್ಯ ರೈಲ್ವೆ
ಬೆಂಗಳೂರು: ನೈರುತ್ಯ ರೈಲ್ವೆ ಮತ್ತು ಮೌಂಟ್ಸ್ ಕ್ಲಬ್ ತಂಡಗಳು ಎಸ್‌.ಎಂ.ಎನ್‌. ಸ್ಮಾರಕ ಟ್ರೋಫಿಗಾಗಿ ನಡೆಯುತ್ತಿರುವ ಮಾತೃ ಕಪ್ ರಾಜ್ಯ ಮಹಿಳಾ ಬ್ಯಾಸ್ಕೆಟ್ಬಾಲ್ ಟೂರ್ನಿಯ ಫೈನಲ್ ತಲುಪಿದವು.
ಕಂಠೀರವ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೂರ್ನಿಯ ಮೊದಲ ಸೆಮಿಫೈನಲ್‌ ಪಂದ್ಯದಲ್ಲಿ ನೈರುತ್ಯ ರೈಲ್ವೆ 76–45ರಿಂದ ಬೀಗಲ್ಸ್ ಬಿ.ಸಿ. ಎದುರು ಗೆದ್ದಿತು. ವಿಜೇತ ತಂಡದ ಪರ ಅನುಷಾ ಮತ್ತು ಮೋಹನಬಾಲಾ ಮತ್ತು ವರ್ಷಾ ನಂದಿನಿ ತಲಾ 16 ಪಾಯಿಂಟ್ಸ್ ಗಳಿಸಿದರು. ಬೀಗಲ್ಸ್ ತಂಡ ಚಂದನಾ (17 ಪಾಯಿಂಟ್ಸ್) ಆಟ ವ್ಯರ್ಥವಾಯಿತು.
ಪಾವನಿ ಮತ್ತು ನಿಹಾರಿಕಾ ರೆಡ್ಡಿ ಗಳಿಸಿದ ತಲಾ 15 ಪಾಯಿಂಟ್ಸ್ ಬಲ ದಿಂದ, ಮೌಂಟ್ಸ್ 65–51ರಿಂದ ಡಿವೈಇಎಸ್‌ ಮೈಸೂರು ವಿರುದ್ಧ ಜಯ ಸಾಧಿಸಿತು.ಡಿವೈಇಎಸ್‌ ತಂಡಕ್ಕಾಗಿ ಸಹನಾ 15 ಮತ್ತು ಮೇಘನಾ 13 ಪಾಯಿಂಟ್ಸ್ ಗಳಿಸಿದರು.
ಫೈನಲ್ ಪಂದ್ಯ ಬುಧವಾರ ಸಂಜೆ 4.30ಕ್ಕೆ ನಡೆಯಲಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.