ಮಹಿಳಾ ಟಿ–20 ಕ್ರಿಕೆಟ್‌: ಭಾರತಕ್ಕೆ 4–0 ಮುನ್ನಡೆ, ವೈಟ್‌ವಾಷ್‌ನತ್ತ ದಾಪುಗಾಲು
ಗಯಾನಾ: ಟಿ–20 ಸರಣಿಯ ನಾಲ್ಕನೇ ಪಂದ್ಯದಲ್ಲಿಯೂ ಜಯದ ನಗೆಬೀರಿದ ಭಾರತ ಮಹಿಳಾ ತಂಡದ ಆಟಗಾರ್ತಿರು, ಆತಿಥೇಯ ವೆಸ್ಟ್‌ ಇಂಡೀಸ್‌ ಎದುರು ವೈಟ್‌ವಾಷ್‌ ಸಾಧನೆಯತ್ತ ದಾಪುಗಾಲಿಟ್ಟಿದ್ದಾರೆ.
ಇಲ್ಲಿನಪ್ರಾವಿಡೆನ್ಸ್‌ ಕ್ರೀಡಾಂಗಣದಲ್ಲಿ ಭಾನುವಾರನಡೆದ ಪಂದ್ಯವನ್ನು ಮಳೆಯಿಂದಾಗಿ 9 ಓವರ್‌ಗಳಿಗೆ ಇಳಿಸಲಾಗಿತ್ತು. ಟಾಸ್‌ ಸೋತರೂ ಮೊದಲು ಬ್ಯಾಟಿಂಗ್‌ ಮಾಡುವ ಅವಕಾಶ ಪಡೆದ ಭಾರತ ನಿಗದಿತ ಓವರ್‌ಗಳಲ್ಲಿ 7 ವಿಕೆಟ್‌ ಕಳೆದುಕೊಂಡು 50 ರನ್ ಕಲೆಹಾಕಿತು. ಪೂಜಾ ವಸ್ತ್ರಾಕರ್‌(10) ಹೊರತುಪಡೆಸಿ ಯಾರೊಬ್ಬರೂ ಎರಡಂಕಿಯನ್ನು ಮುಟ್ಟಲಿಲ್ಲ.
ಆತಿಥೇಯ ಸ್ಪಿನ್ನರ್‌ಹೇಲಿ ಮ್ಯಾಥ್ಯೂಸ್‌ 2 ಓವರ್‌ಗಳಲ್ಲಿ 13 ರನ್ ನೀಡಿ ಮೂರು ವಿಕೆಟ್‌ ಕಿತ್ತರು.
ಬಳಿಕ ಮೊತ್ತ ಬೆನ್ನಟ್ಟಿದ ವಿಂಡೀಸ್‌ ತಂಡ 9 ಓವರ್‌ಗಳಲ್ಲಿ 5 ವಿಕೆಟ್‌ ಕಳೆದುಕೊಂಡು 45ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಭಾರತ ಐದು ರನ್ ಅಂತರದ ಜಯ ದಾಖಲಿಸಿ, ಸರಣಿಯಲ್ಲಿ 4–0 ಮುನ್ನಡೆ ಸಾಧಿಸಿತು.
ಕೊನೆಯ ಪಂದ್ಯಇದೇ ಅಂಗಳದಲ್ಲಿ ನ.20ರಂದು ನಡೆಯಲಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.