ದಾಂಪತ್ಯ ಜೀವನಕ್ಕೆ ವರುಣ್ ಚಕ್ರವರ್ತಿ

ಚೆನ್ನೈ: ‌ತಮಿಳುನಾಡು ಕ್ರಿಕೆಟ್ ತಂಡದ ಆಟಗಾರ ವರುಣ್ ಚಕ್ರವರ್ತಿ ತಮ್ಮ ದೀರ್ಘಕಾಲದ ಗೆಳತಿ ನೇಹಾ ಖೇಡೆಕರ್ ಅವರೊಂದಿಗೆ ವಿವಾಹವಾದರು.

ಕರ್ನಾಟಕದ ಬೀದರ್‌ನಲ್ಲಿ ಜನಿಸಿ, ತಮಿಳುನಾಡಿನ ತಂಜಾವೂರಿನಲ್ಲಿ ಬೆಳೆದಿರುವ ವರುಣ್, ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಕೋಲ್ಕತ್ತ ನೈಟ್ ರೈಡರ್ಸ್ ತಂಡದಲ್ಲಿ ಆಡುತ್ತಾರೆ. ಚೆನ್ನೈನಲ್ಲಿ ಶನಿವಾರ ವಿವಾಹ ಸಮಾರಂಭವು ನೆರವೇರಿತು. ಕೆಕೆಆರ್ ಫ್ರಾಂಚೈಸಿ ವರುಣ್ ವಿವಾಹ ವಿಡಿಯೊವನ್ನು ಹಂಚಿದೆ.