ದೆಹಲಿ ರಣಜಿ ತಂಡದ ಸಂಭವನಿಯರಲ್ಲಿ ಕೊಹ್ಲಿ
Published 25 ಸೆಪ್ಟೆಂಬರ್ 2024, 16:11 IST
ವಿರಾಟ್ ಕೊಹ್ಲಿ
ನವದೆಹಲಿ (ಪಿಟಿಐ): ಅಗ್ರಮಾನ್ಯ ಬ್ಯಾಟರ್ ವಿರಾಟ್ ಕೊಹ್ಲಿ ಮತ್ತು ವಿಕೆಟ್‌ಕೀಪರ್ ರಿಷಭ್ ಪಂತ್ ಅವರನ್ನು ದೆಹಲಿ ರಣಜಿ ತಂಡದ 84 ಸಂಭವನೀಯ ಆಟಗಾರರಲ್ಲಿ ಸ್ಥಾನ ಪಡೆದಿದ್ದಾರೆ.
ಆದರೆ ಸೀನಿಯರ್ ವೇಗದ ಬೌಲರ್ ಇಶಾಂತ್ ಶರ್ಮಾ ಅವರಿಗೆ ಸ್ಥಾನ ನೀಡಿಲ್ಲ.
ಕೊಹ್ಲಿ ಮತ್ತು ಪಂತ್ ಅವರು ರಣಜಿ ಋತುವಿನ ಸಂದರ್ಭದಲ್ಲಿಯೇ ಟೆಸ್ಟ್ ಸರಣಿಗಳಲ್ಲಿ ಆಡಲಿದ್ಧಾರೆ. ಆದ್ದರಿಂದ ಅವರು ರಣಜಿ ಪಂದ್ಯಗಳಿಗೆ ಲಭ್ಯರಾಗುವುದು ಬಹುತೇಕ ಅಸಾಧ್ಯ. ಕೊಹ್ಲಿ ಅವರು 2012ರಲ್ಲಿ ಗಾಜಿಯಾಬಾದ್‌ನಲ್ಲಿ ಉತ್ತರಪ್ರದೇಶ ವಿರುದ್ಧದ ರಣಜಿ ಪಂದ್ಯದಲ್ಲಿ ಆಡಿದ್ದು ಕೊನೆಯದು. ಪಂತ್ ಕೂಡ ಕೋವಿಡ್ ಮುನ್ನ ರಣಜಿ ಟೂರ್ನಿಯಲ್ಲಿ ಆಡಿದ್ದರು.
ಆದರೆ ಸದ್ಯ ಭಾರತ ತಂಡದಲ್ಲಿ ಆಡದ ಇಶಾಂತ್ ಅವರನ್ನು ಆಯ್ಕೆಗೆ ಪರಿಗಣಿಸಿಲ್ಲ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.