ರೆಫರಿಗಳಿಗೆ ದ್ರಾವಿಡ್, ಶ್ರೀನಾಥ್, ಕುಂಬ್ಳೆ ಮಾರ್ಗದರ್ಶನ

ಬೆಂಗಳೂರು: ದಿಗ್ಗಜ ಕ್ರಿಕೆಟಿಗರಾದ ರಾಹುಲ್ ದ್ರಾವಿಡ್, ಅನಿಲ್ ಕುಂಬ್ಳೆ ಮತ್ತು ಜಾವಗಲ್ ಶ್ರೀನಾಥ್ ಅವರು ಬುಧವಾರ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ (ಎನ್‌ಸಿಎ) ಯಲ್ಲಿ ನಡೆದ ರೆಫರಿಗಳ ಕಾರ್ಯಾಗಾರದಲ್ಲಿ ಭಾಗವಹಿಸಿದ್ದರು. 

ಈ ಹಿಂದೆ ಭಾರತ ತಂಡದ ನಾಯಕರು ಮತ್ತು ಮುಖ್ಯ ಕೋಚ್‌ ಆಗಿ ಕಾರ್ಯನಿರ್ವಹಿಸಿರುವ ದ್ರಾವಿಡ್, ಕುಂಬ್ಳೆ ಮತ್ತು ಪ್ರಸ್ತುತ ಐಸಿಸಿ ರೆಫರಿ  ಆಗಿರುವ ಶ್ರೀನಾಥ್ ಅವರು ರೆಫರಿಗಳಿಗೆ ಮಾರ್ಗದರ್ಶನ ನೀಡಿದರು. 

ದೇಶಿ ಕ್ರಿಕೆಟ್‌ ರೆಫರಿಗಳು ಭಾಗವಹಿಸಿದ್ದರು. ಇದರಲ್ಲಿ ಅನುಭವಿ ರೆಫರಿ ಮನು ನಯ್ಯರ್ ಕೂಡ ಇದ್ದರು. 

ಎಲೀಟ್ ಪ್ಯಾನೆಲ್ ಅಂಪೈರ್ ನಿತಿನ್ ಮೆನನ್, ಎನ್‌ಸಿಎ ಶೈಕ್ಷಣಿಕ ವಿಭಾಗದ ಮುಖ್ಯಸ್ಥ ಸುಜಿತ್ ಸೋಮಸುಂದರ್ ಅವರು ಸಂವಾದ ನಡೆಸಿದರು.