ಪಾಕ್‌ ತಂಡಕ್ಕೆ ಹೆಮ್ಮಿಂಗ್‌ ಕ್ಯುರೇಟರ್‌

ಲಾಹೋರ್‌: ಆಸ್ಟ್ರೇಲಿಯಾದ ಟೋನಿ ಹೆಮ್ಮಿಂಗ್‌ ಅವರನ್ನು ಪಾಕಿಸ್ತಾನ ಕ್ರಿಕೆಟ್‌ ಮಂಡಳಿಯು ಎರಡು ವರ್ಷಗಳ ಅವಧಿಗೆ ಮುಖ್ಯ ಕ್ಯುರೇಟರ್ ಆಗಿ ನೇಮಿಸಿದೆ.

ಐಸಿಸಿ ಜೊತೆ ಈ ಹಿಂದೆ ಕೆಲಸ ಮಾಡಿರುವ ಹೆಮ್ಮಿಂಗ್‌, ಪಿಚ್ ಮತ್ತು ಔಟ್‌ಫೀಲ್ಡ್ ನಿರ್ವಹಣೆಯಲ್ಲಿ ನಾಲ್ಕು ದಶಕಗಳ ಅನುಭವ ಹೊಂದಿದ್ದಾರೆ.

ಈ ಋತುವಿನಲ್ಲಿ ಬಾಂಗ್ಲಾದೇಶ, ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ವಿರುದ್ಧದ ಸ್ವದೇಶಿ ಸರಣಿಗಳಿಗೆ ಪಿಚ್‌ಗಳ ಗುಣಮಟ್ಟ ಸುಧಾರಿಸುವ ಜವಾಬ್ದಾರಿ ಹೆಮ್ಮಿಂಗ್‌ ಹೆಗಲಿಗೆ ವಹಿಸಲಾಗಿದೆ.