ಮೌಂಟಾ ಮಾಂಗಾನೂಯಿ (ನ್ಯೂಜಿಲೆಂಡ್). (ಎಪಿ): ಮಧ್ಯಮ ಕ್ರಮಾಂಕದ ಬ್ಯಾಟರ್ ರಚಿನ್ ರವೀಂದ್ರ ಅವರ ದ್ವಿಶತಕದ (240) ನೆರವಿನಿಂದ ನ್ಯೂಜಿಲೆಂಡ್ ತಂಡ ಮೊದಲ ಟೆಸ್ಟ್ ಪಂದ್ಯದ ಎರಡನೇ ದಿನದ ಆಟದಲ್ಲಿ ದಕ್ಷಿಣ ಆಫ್ರಿಕಾ ಮೇಲುಗೈ ಸಾಧಿಸಿದೆ. ನ್ಯೂಜಿಲೆಂಡ್ ತಂಡ ಮೊದಲ ಇನಿಂಗ್ಸ್ನಲ್ಲಿ 511 ರನ್ಗಳ ಭಾರಿ ಮೊತ್ತ ಗಳಿಸಿದೆ.
ಸೋಮವಾರ ಎರಡನೇ ದಿನದಾಟದ ಕೊನೆಗೆ ಪ್ರವಾಸಿ ದಕ್ಷಿಣ ಆಫ್ರಿಕಾ 80 ರನ್ನಿಗೆ 4 ವಿಕೆಟ್ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. ಮೊದಲ ಇನಿಂಗ್ಸ್ ಬಾಕಿ ತೀರಿಸಲು ಇನ್ನೂ 431 ರನ್ ಗಳಿಸಬೇಕಾಗಿದೆ. ಒಂದು ಹಂತದಲ್ಲಿ ತಂಡ 30 ರನ್ನಿಗೆ 3 ವಿಕೆಟ್ ಕಳೆದುಕೊಂಡಿತ್ತು
ಆತಿಥೇಯರ ಪರ ಕೇನ್ ವಿಲಿಯಮ್ಸನ್ 118 ರನ್ ಗಳಿಸಿದರು. ರಚಿನ್ ಅವರ 366 ಎಸೆತಗಳ ಇನಿಂಗ್ಸ್ನಲ್ಲಿ ಮೂರು ಸಿಕ್ಸರ್, 24 ಬೌಂಡರಿಗಳಿದ್ದವು.
ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್: ನ್ಯೂಜಿಲೆಂಡ್: 144 ಓವರುಗಳಲ್ಲಿ 511 (ಕೇನ್ ವಿಲಿಯಮ್ಸನ್ 118, ರಚಿನ್ ರವೀಂದ್ರ 240, ಡೇರಿಲ್ ಮಿಚೆಲ್ 34, ಗ್ಲೆನ್ ಫಿಲಿಪ್ಸ್ 39; ನೀಲ್ ಬ್ರಾಂಡ್ 119ಕ್ಕೆ6); ದಕ್ಷಿಣ ಆಫ್ರಿಕಾ: 4 ವಿಕೆಟ್ಗೆ 80 (ಡೇವಿಡ್ ಬೆಡ್ಡಿಂಗಂ ಬ್ಯಾಟಿಂಗ್ 29; ಕೈಲ್ ಜೇಮಿಸನ್ 21ಕ್ಕೆ2).
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.