ಕ್ರಿಕೆಟ್‌: ಪುದುಚೇರಿ ತಂಡಕ್ಕೆ ಟೈಟ್‌ ಬೌಲಿಂಗ್ ಕೋಚ್‌

ಪುದುಚೇರಿ: ಆಸ್ಟ್ರೇಲಿಯಾದ ಮಾಜಿ ವೇಗದ ಬೌಲರ್‌ ಶಾನ್‌ ಟೈಟ್‌ ಅವರನ್ನು ಪುದುಚೇರಿ ಕ್ರಿಕೆಟ್‌ ತಂಡವು ಬೌಲಿಂಗ್ ಕೋಚ್ ಆಗಿ ನೇಮಿಸಿದೆ. ಪುದುಚೇರಿ ಕ್ರಿಕೆಟ್‌ ಸಂಸ್ಥೆಯ (ಸಿಎಪಿ) ಮೂಲಗಳು ಶನಿವಾರ ಈ ವಿಷಯ ತಿಳಿಸಿವೆ.

ತಂಡದ ಮುಖ್ಯ ಕೋಚ್‌ ದಿಶಾಂತ್ ಯಾಗ್ನಿಕ್‌, ವ್ಯವಸ್ಥಾಪಕ ಮತ್ತು ಸ್ಟ್ರೆಂಥ್ ಆ್ಯಂಡ್ ಕಂಡೀಶನಿಂಗ್ ಕೋಚ್‌ ಕಲ್ಪೇಂದ್ರ ಜಾ ಅವರೊಂದಿಗೆ ಟೈಟ್‌ ಕಾರ್ಯನಿರ್ವಹಿಸಲಿದ್ದಾರೆ. ಈ ತಿಂಗಳಾಂತ್ಯದಲ್ಲಿ ಅವರು ತಂಡವನ್ನು ಸೇರು ವರು ಎಂದು ಮೂಲಗಳು ಹೇಳಿವೆ.

ಟೈಟ್‌ ಅವರು ಆಸ್ಟ್ರೇಲಿಯಾ ತಂಡದ ಪರ ಮೂರು ಟೆಸ್ಟ್‌, 35 ಏಕದಿನ ಮತ್ತು 21 ಟ್ವೆಂಟಿ–20 ಪಂದ್ಯಗಳನ್ನು ಆಡಿದ್ದಾರೆ. ಐಪಿಎಲ್‌ ಟೂರ್ನಿಯಲ್ಲಿ ರಾಜಸ್ಥಾನ ರಾಯಲ್ಸ್ ತಂಡವನ್ನೂ ಪ್ರತಿನಿಧಿಸಿದ್ದರು.