ಕೊಲಂಬೊ: ಅಫ್ಗಾನಿಸ್ತಾನ ವಿರುದ್ಧ ಗುರುವಾರ ನಡೆದ ಮೂರನೇ ಹಾಗೂ ಅಂತಿಮ ಟಿ20 ಪಂದ್ಯದ ವೇಳೆ ಅಂಪೈರ್ ಅವರನ್ನು ನಿಂದಿಸಿದ ಕಾರಣಕ್ಕೆ ವನಿಂದು ಹಸರಂಗ ಅವರಿಗೆ ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಶನಿವಾರ ಎರಡು ಪಂದ್ಯಗಳ ನಿಷೇಧ ವಿಧಿಸಿದೆ. ಈ ಪಂದ್ಯದಲ್ಲಿ ಲಂಕಾ ಮೂರು ರನ್ಗಳಿಂದ ಲಂಕಾ ಸೋತಿತ್ತು.
ಸರಣಿ 2–1ರಿಂದ ಲಂಕಾ ಪಾಲಾಗಿತ್ತು. ಹಸರಂಗ ಅವರು ಟಿ20 ತಂಡಕ್ಕೆ ನಾಯಕ ಸಹ.
ಆನ್ಫೀಲ್ಡ್ ಅಂಪೈರ್ ಲಿಂಡನ್ ಹನಿಬಾಲ್ ಅವರು ಕಮಿಂದು ಮೆಂಡಿಸ್ ಅವರು ಆಡುವಾಗ ಎಸೆತವೊಂದಕ್ಕೆ ನೋಬಾಲ್ ನೀಡದ ಕಾರಣಕ್ಕೆ ಬಹಿರಂಗವಾಗಿ ಅಸಮಾಧಾನ ಪ್ರದರ್ಶಿಸಿದ್ದರು. ಆಗ ಲಂಕಾಕ್ಕೆ ಮೂರು ಎಸೆತಗಳಲ್ಲಿ 11 ರನ್ ಬೇಕಿದ್ದವು. ಮರುಪ್ರಸಾರದಲ್ಲಿ ವಫಾದಾರ್ ಮೊಮಂದ್ ಅವರ ಎಸೆತ ಸೊಂಟದ ಮಟ್ಟಕ್ಕಿಂತ ಮೇಲಿಂದ ಹಾದು ಹೋಗಿತ್ತು. ಪಂದ್ಯದ ನಂತರವೂ ಹಸರಂಗ ಕೋಪ ತಣಿದಿರಲಿಲ್ಲ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.